അങ്കമാലി: അങ്കമാലി സെന്‍റ് മേരീസ് എല്‍പി സ്‌കൂളില്‍ ദീപിക നമ്മുടെ ഭാഷ പദ്ധതി തുടങ്ങി. സ്‌കൂളിലെ പൂര്‍വവിദ്യാര്‍ഥിയും നഗരസഭ ആറാം വാര്‍ഡ് കൗണ്‍സിലറുമായ ബെന്നി മൂഞ്ഞേലിയുടെ സഹകരണത്തോടെയാണ് പദ്ധതി നടപ്പാക്കുന്നത്.
വിദ്യാര്‍ഥികള്‍ക്ക് ദീപിക പത്രം കൈമാറി ബെന്നി മൂഞ്ഞേലി പദ്ധതി ഉദ്ഘാടനം നിര്‍വഹിച്ചു. വാര്‍ഡ് കൗണ്‍സിലര്‍ ലിസി പോളി, പ്രധാനാധ്യാപിക ഷാലി കുര്യന്‍, അധ്യാപിക ബെറ്റി തോമസ്, ദീപിക മാര്‍ക്കറ്റിംഗ് വിഭാഗം ഏരിയാ മാനേജര്‍ ബൈജു ദേവസി, സര്‍ക്കുലേഷന്‍ ഏരിയ മാനേജര്‍ പി.എല്‍. ജിജോ എന്നിവര്‍ പ്രസംഗിച്ചു.