പെ​രു​മ്പാ​വൂ​രി​ൽ ലക്ഷങ്ങളുടെ ലഹരി ഉത്പന്നങ്ങൾ പിടികൂടി; അഞ്ച് ആസാം സ്വദേശികൾ അറസ്റ്റിൽ
Monday, July 15, 2024 4:09 AM IST
പെ​രു​മ്പാ​വൂ​ർ: ന​ഗ​ര​ത്തി​ൽ പോ​ലീ​സ് ന​ട​ത്തി​യ പ​രി​ശോ​ധ​ന​യി​ൽ ല​ക്ഷ​ങ്ങ​ളു​ടെ നി​രോ​ധി​ത പു​ക​യി​ല ഉ​ത്പ​ന്ന​ങ്ങ​ൾ, ക​ഞ്ചാ​വ്, ഹെ​റോ​യി​ൻ എ​ന്നി​വ പി​ടി​കൂ​ടി. ആ​സാം സ്വ​ദേ​ശി​ക​ളാ​യ അ​ഞ്ചു പേ​രെ അ​റ​സ്റ്റ് ചെ​യ്തു.

ജി​ല്ലാ പോ​ലീ​സ് മേ​ധാ​വി വൈ​ഭ​വ് സ​ക്സേ​ന​യു​ടെ നി​ർ​ദേ​ശ​പ്ര​കാ​രം എ​എ​സ്പി മോ​ഹി​ത് റാ​വ​ത്തി​ന്‍റെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘ​വും പെ​രു​മ്പാ​വൂ​ർ പോ​ലീ​സും സം​യു​ക്ത​മാ​യാ​ണ് പ​രി​ശോ​ധ​ന ന​ട​ത്തി​യ​ത്.

പെ​രു​മ്പാ​വൂ​ർ ജ്യോ​തി ജം​ഗ്ഷ​നി​ലെ ക​ട​ക​ളു​ടെ മു​ക​ൾ​ത്ത​ട്ടി​ലു​ള്ള ര​ഹ​സ്യ അ​റ​ക​ളി​ൽ നി​ന്ന് 10 ല​ക്ഷം രൂ​പ വി​ല​വ​രു​ന്ന നി​രോ​ധി​ത പു​ക​യി​ല ഉ​ത്പ​ന്ന​ങ്ങ​ൾ പി​ടി​ച്ചെ​ടു​ത്തു. ഇ​തു​മാ​യി ബ​ന്ധ​പ്പെ​ട്ട് ആ​സാം സ്വ​ദേ​ശി​ക​ളാ​യ ആ​രി​ഫു​ൽ ഇ​സ്ലാം (18), മ​ൻ​ജൂ​റി​ൽ ഹ​ഖ് (18), അ​ലി ഹു​സൈ​ൻ (20) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ഫി​ഷ് മാ​ർ​ക്ക​റ്റ് ഭാ​ഗ​ത്തു​നി​ന്ന് ആ​സാം സ്വ​ദേ​ശി ന​ജ്മു​ൽ ഹ​ഖി(27)​നെ ക​ഞ്ചാ​വു​മാ​യി പി​ടി​കൂ​ടി. കു​ന്ന​ത്തു​നാ​ട് പോ​ലീ​സ് സ്റ്റേ​ഷ​ൻ പ​രി​ധി​യി​ൽ ലാ​പ്ടോ​പ് മോ​ഷ്ടി​ച്ച​തി​ന് ആ​റു മാ​സ​ത്തെ ജ​യി​ൽ ശി​ക്ഷ അ​നു​ഭ​വി​ച്ച പ്ര​തി​യാ​ണ് ഇ​യാ​ൾ.


കാ​ള​ച്ച​ന്ത ഭാ​ഗ​ത്തെ ഒ​രു കെ​ട്ടി​ട​ത്തി​ൽ​നി​ന്നാ​ണ് അ​ഞ്ചു കു​പ്പി ഹെ​റോ​യി​നു​മാ​യി ആ​സാം സ്വ​ദേ​ശി ഖൈ​റു​ൽ ഇ​സ്ലാം (34) അ​റ​സ്റ്റി​ലാ​യ​ത്. ക​ണ്ണ​ന്ത​റ ഭാ​ഗ​ത്തെ ബം​ഗാ​ൾ കോ​ള​നി​യി​ൽ നി​ന്ന് മ​യ​ക്കു​മ​രു​ന്ന് ഉ​പ​യോ​ഗി​ച്ച ഒ​രു യു​വാ​വി​നെ​യും ബി​വ്റേ​ജ് ഭാ​ഗ​ത്ത് നി​ന്ന് പ​ര​സ്യ​മാ​യി മ​ദ്യ​പി​ച്ച​വ​രെ​യും പോ​ലീ​സ് പി​ടി​കൂ​ടി.

മ​ഞ്ഞ​പ്പെ​ട്ടി ഭാ​ഗ​ത്ത് പ​ണം വ​ച്ച് ചീ​ട്ടു​ക​ളി​യി​ലേ​ർ​പ്പെ​ട്ട മൂ​ന്ന് ഇ​ത​ര​സം​സ്ഥാ​ന തൊ​ഴി​ലാ​ളി​ക​ളെ പി​ടി​കൂ​ടി. ഇ​വ​രു​ടെ പ​ക്ക​ൽ​നി​ന്ന് 6000 രൂ​പ​യും ക​ണ്ടെ​ടു​ത്തു. എ​സ്ഐ​മാ​രാ​യ റി​ൻ​സ് എം. ​തോ​മ​സ്, പി.​എം. റാ​സി​ക്, ആ​ൽ​ബി​ൻ സ​ണ്ണി, ടി.​എ​സ്. സ​നീ​ഷ്, എ​എ​സ്ഐ പി.​എ. അ​ബ്ദു​ൽ മ​നാ​ഫ്, സീ​നി​യ​ർ സി​പി​ഒ​മാ​രാ​യ മ​നോ​ജ് കു​മാ​ർ, ബെ​ന്നി ഐ​സ​ക്ക് എ​ന്നി​വ​രു​ൾ​പ്പെ​ടു​ന്ന പോ​ലീ​സ് ടീം ​സം​ഘം തി​രി​ഞ്ഞാ​ണ് പ​രി​ശോ​ധ​ന ന​ട​ത്തി​യ​ത്.

ഇ​ന്ന​ലെ രാ​വി​ലെ ആ​രം​ഭി​ച്ച റെ​യ്ഡ് വൈ​കി​ട്ട് വ​രെ നീ​ണ്ടു. വ​രും ദി​വ​സ​ങ്ങ​ളി​ലും പ​രി​ശോ​ധ​ന തു​ട​രു​മെ​ന്ന് പോ​ലീ​സ് അ​റി​യി​ച്ചു.