രാജപുരം: കേരള ശാസ്ത്ര അക്കാദമിയും മൈക്രോബയോളജി ഓഫ് ഇന്ത്യയും സംയുക്താഭിമുഖ്യത്തിൽ രാജപുരം സെന്‍റ് പയസ് ടെൻത് കോളജിൽ നടത്തിയ ദേശീയ സെമിനാർ കേരള ശാസ്ത്ര അക്കാദമി പ്രസിഡന്‍റ് പ്രഫ.ജി.എം.നായർ ഉദ്ഘാടനം ചെയ്തു.
പ്രിൻസിപ്പൽ ഡോ.ബിജു ജോസഫ് അധ്യക്ഷത വഹിച്ചു. മൈക്രോ ബയോളജി സൊസൈറ്റി ഓഫ് ഇന്ത്യയുടെ പ്രസിഡന്‍റ് പ്രഫ.ഡോ.എ.എം.ദേശ്മുഖ് മുഖ്യപ്രഭാഷണം നടത്തി. മൈക്രോ ബയോളജി വിഭാഗം തലവൻ ഡോ. എൻ.വി.വിനോദ്, ലൈഫ് സയൻസ് ആൻഡ് കമ്പ്യൂറ്റേഷണൽ ബയോളജി വിഭാഗം തലവൻ ഡോ.ഷിജു ജേക്കബ് എന്നിവർ പ്രസംഗിച്ചു. മൈക്രോ ബയോളജി വിഭാഗം അസി.പ്രഫസർ ഡോ. സിനോഷ് സ്കറിയാച്ഛൻ സ്വാഗതവും കേന്ദ്രസർവകലാശാല പ്ലാന്‍റ് സയൻസ് വിഭാഗം അസി. പ്രഫസർ ഡോ.ജാസ്മിൻ എം.ഷാ നന്ദിയും പറഞ്ഞു.