കോതമംഗലം: നഗരത്തിൽ കുരൂർ വളവിൽ നിയന്ത്രണം നഷ്ടപ്പെട്ട കാർ വ്യാപാര സ്ഥാപനത്തിലേക്ക് ഇടിച്ചു കയറി. ഇന്നലെ പുലർച്ചെ മൂന്നോടെയാണ് അപകടം. മൂന്നാറിൽ വിനോദയാത്ര കഴിഞ്ഞ് മടങ്ങിവരികയായിരുന്ന വിദ്യാർഥികൾ സഞ്ചരിച്ച കാറാണ് വ്യാപാര സ്ഥാപനത്തിലേക്ക് ഇടിച്ചു കയറിയത്.
കടയുടെ ഷട്ടർ തകർന്നിട്ടുണ്ട്. മറ്റൊരു കടയ്ക്കും കേടുപാടുകൾ സംഭവിച്ചിട്ടുണ്ട്. ഡ്രൈവർ ഉറങ്ങിപ്പോയതാവാം അപകടകാരണമെന്നാണ് നിഗമനം. കോതമംഗലം പോലീസ് സ്ഥലത്തെത്തി മേൽനടപടികൾ സ്വീകരിച്ചു.