കൊച്ചി: കണ്ണമാലി ചെറിയകടവ് തീരങ്ങളില് കടലാക്രമണം. ഇന്നലെ രാവിലെ 10 മുതല് വൈകുന്നേരം മൂന്നുവരെ രൂക്ഷമായി കടല് കയറ്റമുണ്ടായി. റോഡിലേക്കും തീര പ്രദേശത്തെ വീടുകളിലേക്കും വെള്ളം കയറി.
ചെല്ലാനം പഞ്ചായത്തിലെ കണ്ണമാലി ചന്തക്കടല് തീരം മുതല് കൊച്ചി കോര്പറേഷനിലെ സൗദി സ്കൂള് വരെയുള്ള പ്രദേശങ്ങളിലാണ് കടല് കയറിയത്. ചെറിയകടവ് ഡിവൈന് ചാപ്പലിന് പടിഞ്ഞാറു വശം രണ്ടു വീടുകളുടെ ഭിത്തി ഇടിഞ്ഞുവീണു.