നോ​ര്‍​ത്തി​ലെ മൂ​ന്നാം പ്ലാ​റ്റ്‌​ഫോം ക​ട​ലാ​സി​ല്‍ ത​ന്നെ
Friday, August 23, 2024 4:45 AM IST
എ​റ​ണാ​കു​ളം ജം​ഗ്ഷ​ന്‍ റെ​യി​ല്‍​വേ പ്ലാ​റ്റ്‌​ഫോ​മി​ന്‍റെ നീ​ളം കൂ​ട്ടാ​ന്‍ ന​ട​പ​ടി

കൊ​ച്ചി: മൂ​ന്നു​ വ​ര്‍​ഷ​ത്തെ നി​ര​ന്ത​ര ആ​വ​ശ്യ​ത്തെ തു​ട​ര്‍​ന്ന് ജി​ല്ല​യി​ലെ ഏ​റ്റ​വും വ​ലു​തും പ്ര​ധാ​ന സ്റ്റേ​ഷ​നു​മാ​യ എ​റ​ണാ​കു​ളം സൗ​ത്ത് റെ​യി​ല്‍​വേ സ്റ്റേ​ഷ​നി​ലെ ര​ണ്ടാം​ന​മ്പ​ര്‍ പ്ലാ​റ്റ്‌​ഫോ​മി​ന്‍റെ നീ​ളം കൂ​ട്ടാ​ന്‍ ന​ട​പ​ടി​ക​ളു​മാ​യി റെ​യി​ല്‍​വേ. 52 ല​ക്ഷം രൂ​പ​യു​ടെ നി​ര്‍​മാ​ണ പ്ര​വൃ​ത്തി​ക​ള്‍​ക്ക് തി​രു​വ​ന​ന്ത​പു​രം ഡി​വി​ഷ​ന്‍ ക​രാ​ര്‍ ക്ഷ​ണി​ച്ചി​രി​ക്കു​ക​യാ​ണ്.

എ​ട്ടു​മാ​സം​കൊ​ണ്ട് പൂ​ര്‍​ത്തീ​ക​രി​ക്കു​ക‍​യാ​ണ് ല​ക്ഷ്യം. എ​ന്നാ​ല്‍ നോ​ര്‍​ത്ത് റെ​യി​ല്‍​വേ സ്റ്റേ​ഷ​നി​ല്‍ പു​തി​യൊ​രു പ്ലാ​റ്റ്‌​ഫോം കൂ​ടി വേ​ണ​മെ​ന്ന ദീ​ര്‍​ഘ​നാ​ളാ​യു​ള്ള ആ​വ​ശ്യം ഇ​പ്പോ​ഴും ക​ട​ലാ​സി​ല്‍ ത​ന്നെ​യാ​ണ്.

കോ​ട്ട​യം​വ​ഴി ക​ട​ന്നു​പോ​കു​ന്ന ട്രെ​യി​നു​ക​ളു​ടെ ജി​ല്ല​യി​ലെ പ്ര​ധാ​ന സ്റ്റോ​പ്പാ​ണ് ടൗ​ണ്‍ സ്റ്റേ​ഷ​ന്‍ എ​ന്ന​റി​യ​പ്പെ​ടു​ന്ന എ​റ​ണാ​കു​ളം നോ​ര്‍​ത്ത് റെ​യി​ല്‍​വേ സ്റ്റേ​ഷ​ന്‍. സൗ​ത്ത്സ്റ്റേ​ഷ​നി​ലേ​ക്കു​ള്ള ട്രെ​യി​നു​ക​ള്‍ ക​ട​ന്നു​പോ​കു​ന്ന​തും ഇ​തു​വ​ഴി​യാ​ണ്. ഏ​റെ ഗ​താ​ഗ​ത​ത്തി​ര​ക്കു​ള്ള ഇ​വി​ടെ മൂ​ന്നാ​മ​തൊ​രു പ്ലാ​റ്റ്‌​ഫോം​കൂ​ടി വേ​ണ​മെ​ന്ന ആ​വ​ശ്യ​ത്തി​നു വ​ര്‍​ഷ​ങ്ങ​ളു​ടെ പ​ഴ​ക്ക​മു​ണ്ട്.

എ​ന്നാ​ല്‍ അ​ക്കാ​ര്യ​ത്തി​ല്‍ ഒ​രു നീ​ക്കു​പോ​ക്കും ഉ​ണ്ടാ​യി​ട്ടി​ല്ല. നി​ല​വി​ലു​ള്ള പാ​ത​യ്ക്ക് സ​മാ​ന്ത​ര​മാ​യി ഷൊ​ര്‍​ണൂ​ര്‍ മു​ത​ല്‍ എ​റ​ണാ​കു​ളം വ​രെ വി​ഭാ​വ​നം ചെ​യ്തി​ട്ടു​ള്ള മൂ​ന്നാം​പാ​ത​യു​ടെ ഭാ​ഗ​മാ​യാ​കും നോ​ര്‍​ത്ത് സ്റ്റേ​ഷ​നി​ല്‍ പു​തി​യൊ​രു പ്ലാ​റ്റ്‌​ഫോം കൂ​ടി പ​രി​ഗ​ണി​ക്ക​പ്പെ​ടു​ക എ​ന്നാ​ണ് റെ​യി​ല്‍​വേ അ​ധി​കൃ​ത​ര്‍ പ​റ​യു​ന്ന​ത്.

അ​തി​നു മു​ന്നോ​ടി​യാ​യി മൂ​ന്നാം പാ​ത​യ്ക്ക് ആ​വ​ശ്യ​മാ​യ സ്ഥ​ലം ക​ണ്ടെ​ത്തേ​ണ്ട​തു​ണ്ട്. പ്ര​ധാ​ന​ക​വാ​ട​ത്തോ​ടു ചേ​ര്‍​ന്ന് പു​തി​യ സ്റ്റേ​ഷ​ന്‍ കെ​ട്ടി​ട​ത്തി​ന്‍റെ പ​ണി​ക​ള്‍ ന​ട​ക്കു​ന്ന​തി​നാ​ല്‍ ഈ ​ഭാ​ഗ​ത്ത് സ്ഥ​ല​മേ​റ്റെ​ടു​ക്ക​ല്‍ ഉ​ണ്ടാ​കി​ല്ലെ​ന്നും ഉ​റ​പ്പാ​യി. ര​ണ്ടാം പ്ലാ​റ്റ്‌​ഫോ​മി​ന് പു​റ​ത്താ​യി ഇ​തി​നു സ്ഥ​ലം ക​ണ്ടെ​ത്തേ​ണ്ടി വ​രും. നി​ല​വി​ലെ സാ​ഹ​ച​ര്യ​ത്തി​ല്‍ അ​തി​ന് വ​ര്‍​ഷ​ങ്ങ​ളെ​ടു​ക്കും.


പ്ലാ​റ്റ്‌​ഫോ​മു​ക​ളു​ടെ സൗ​ക​ര്യ​ക്കു​റ​വും യാ​ത്ര​ക്കാ​ര്‍ ചൂ​ണ്ടി​ക്കാ​ട്ടു​ന്നു​ണ്ട്. ദി​വ​സേ​ന 30,000 ലേ​റെ യാ​ത്ര​ക്കാ​ര്‍ വ​ന്നു​പോ​കു​ന്ന ഇ​വി​ടെ ര​ണ്ടു പ്ലാ​റ്റ്‌​ഫോ​മു​ക​ള്‍​ക്കും ശ​രാ​ശ​രി ആ​റു മീ​റ്റ​ര്‍ മാ​ത്ര​മാ​ണ് വീ​തി. തി​ര​ക്കേ​റി​യ സ​മ​യ​ങ്ങ​ളി​ല്‍ തി​ക്കി​ത്തി​ര​ക്കി വേ​ണം യാ​ത്ര​ക്കാ​ര്‍​ക്ക് പു​റ​ത്ത് ക​ട​ക്കാ​ന്‍. ഒ​ന്നാം പ്ലാ​റ്റ്‌​ഫോ​മി​ന്‍റെ വ​ട​ക്കു ഭാ​ഗ​ത്ത് വീ​തി കൂ​ട്ടു​ന്ന​തി​നാ​യി ന​ല്‍​കി​യ പ്രൊ​പ്പോ​സ​ലും വെ​ളി​ച്ചം ക​ണ്ടി​ട്ടി​ല്ല.

അ​തേ​സ​മ​യം സൗ​ത്ത് സ്റ്റേ​ഷ​നി​ലെ പ്ലാ​റ്റ്‌​ഫോ​മു​ക​ള്‍​ക്ക് ആ​വ​ശ്യ​മു​ള്ള വീ​തി ഉ​ണ്ടെ​ങ്കി​ലും നീള​ക്കു​റ​വാ​ണ് റെ​യി​ല്‍​വേ ഉ​ദ്യോ​ഗ​സ്ഥ​രും യാ​ത്ര​ക്കാ​രും ചൂ​ണ്ടി​ക്കാ​ട്ടു​ന്ന പ്ര​ധാ​നം പോ​രാ​യ്മ. ആ​റു പ്ലാ​റ്റ്‌​ഫോ​മു​ക​ളി​ല്‍ 1, 3, 4 പ്ലാ​റ്റ്‌​ഫോ​മു​ക​ളി​ല്‍ മാ​ത്ര​മാ​ണ് 24 കോ​ച്ചു​ക​ളു​ള്ള ട്രെ​യി​നു​ക​ള്‍ നി​ര്‍​ത്താ​ന്‍ ക​ഴി​യു​ന്ന​ത്.

മൂ​ന്ന് പ്ലാ​റ്റ്‌​ഫോ​മു​ക​ള്‍​ക്ക് ആ​വ​ശ്യ​ത്തി​ന് നീ​ള​മി​ല്ലാ​ത്ത​തി​നാ​ല്‍ 24 കോ​ച്ചു​ക​ളു​ള്ള ദീ​ര്‍​ഘ​ദൂ​ര ട്രെ​യി​നു​ക​ള്‍ പ്ലാ​റ്റ്‌​ഫോം ഒ​ഴി​യു​ന്ന​ത് വ​രെ ഔ​ട്ട​റി​ല്‍ പി​ടി​ച്ചി​ടു​ന്ന​ത് പ​തി​വാ​ണ്. ഈ ​പ്ര​ശ്‌​നം പ​രി​ഹ​രി​ക്കു​ന്ന​തി​നാ​ണ് ര​ണ്ടാം പ്ലാ​റ്റ്‌​ഫോം നീ​ളം കൂ​ട്ടു​ന്ന​തി​ന് തി​രു​വ​ന​ന്ത​പു​രം ഡി​വി​ഷ​ന്‍ ഇ​പ്പോ​ള്‍ ന​ട​പ​ടി സ്വീ​ക​രി​ച്ചി​രി​ക്കു​ന്ന​ത്.