അരൂർ: സ്കൂട്ടർ അപകടത്തിൽ പരിക്കേറ്റ് ചികിത്സയിലിരുന്ന ഗൃഹനാഥൻ മരിച്ചു. അരൂർ പഞ്ചായത്ത് എട്ടാം വാർഡിൽ ചന്തിരൂർ കന്പിവേലിക്കകത്ത് ഷാജി (59) ആണ് മരിച്ചത്.
ഫെബ്രുവരി 24ന് പള്ളുരുത്തി എംഎൽഎ റോഡിലായിരുന്നു അപകടം. ഗുരുതരമായി തലയ്ക്ക് പരിക്കേറ്റ് ചികിത്സയിലിരിക്കെയാണ് ഇന്നലെ പുലർച്ചെ മരിച്ചത്. കെഎസ്ആർടിസിയിൽ താൽക്കാലിക ഡ്രൈവറായി ജോലി ചെയ്തിട്ടുണ്ട്. സംസ്കാരം നടത്തി. ഭാര്യ: പ്രിയദർശിനി. മക്കൾ: ജോത്സന ഷാജി, അർജുൻ ഷാജി.