കൊച്ചി: ലോകനാട്ടറിവുദിനത്തിൽ എറണാകുളം മഹാരാജാസ് കോളജിലെ മലയാളവിഭാഗം പിടിഎയുടെ സഹകരണത്തോടെ കളമെഴുത്തു ശില്പശാല സംഘടിപ്പിച്ചു. 2018- ലെ ഫോക് ലോർ അവാർഡ് ജേതാവും പ്രശസ്ത കളമെഴുത്ത് കലാകാരനുമായ കടന്നമണ്ണ ശ്രീനിവാസനാണ് ശില്പശാല നയിച്ചത്.
കളമെഴുത്തിന്റെ പിന്നിലെ ചരിത്രം, സൗന്ദര്യ ശാസ്ത്രം, കളമെഴുത്തു സമ്പ്രദായം , വിവിധ തരം കളംപാട്ടുകൾ എന്നിവ പരിചയപ്പെടുത്തി. പ്രിൻസിപ്പൽ ഡോ. എസ്. ഷജില ബീവി ഉദ്ഘാടനം ചെയ്തു. പിടിഎ സെക്രട്ടറി ഡോ. എം.എസ്. മുരളി, വകുപ്പധ്യക്ഷ ഡോ. സുമി ജോയി ഓലിയപ്പുറം, പ്രോഗ്രാം കോ-ഓർഡിനേറ്റർ നാവൂർ പരീത് എന്നിവർ പ്രസംഗിച്ചു.