കോ​ണ്‍​ഗ്ര​സ്-ലീ​ഗ് ഭി​ന്ന​ത വീ​ണ്ടും മ​റ​നീ​ക്കി
Thursday, August 22, 2024 11:49 PM IST
തൊ​ടു​പു​ഴ: മു​സ്ലീം ലീ​ഗ് കൗ​ണ്‍​സി​ല​ർ​മാ​രു​ടെ പി​ന്തു​ണ​യോ​ടെ തൊ​ടു​പു​ഴ ന​ഗ​ര​സ​ഭ​യി​ൽ എ​ൽ​ഡി​എ​ഫ് അ​ധി​കാ​ര​ത്തി​ലെ​ത്തി​യ​തി​നു പി​ന്നാ​ലെ കോ​ണ്‍​ഗ്ര​സും ലീ​ഗും ത​മ്മി​ലു​ണ്ടാ​യ അ​ഭി​പ്രാ​യ ഭി​ന്ന​ത വീ​ണ്ടും മ​റ​നീ​ക്കി പു​റ​ത്തു വ​ന്നു. തൊ​ടു​പു​ഴ ന​ഗ​ര​സ​ഭാ വൈ​സ് ചെ​യ​ർ​പേ​ഴ്സ​നെ​തി​രെ​യു​ള്ള അ​വി​ശ്വാ​സ ച​ർ​ച്ച​യി​ൽ നി​ന്നും യു​ഡി​എ​ഫ് തീ​രു​മാ​ന​ത്തി​ന് വി​രു​ദ്ധ​മാ​യി മു​സ്ലീം​ലീ​ഗ് അം​ഗ​ങ്ങ​ൾ വി​ട്ടു​നി​ന്ന​തോ​ടെ കോ​ണ്‍​ഗ്ര​സു​മാ​യി സ​ന്ധി​യി​ല്ലെ​ന്ന് ഇ​വ​ർ ഒ​രി​ക്ക​ൽ കൂ​ടി വ്യ​ക്ത​മാ​ക്കു​ക​യാ​യി​രു​ന്നു. ബി​ജെ​പി​യു​ടെ​യും എ​ൽ​ഡി​എ​ഫി​ന്‍റെ​യും അം​ഗ​ങ്ങ​ൾ​ക്ക് പു​റ​മെ ലീ​ഗി​ന്‍റെ​യും അം​ഗ​ങ്ങ​ൾ വി​ട്ടു​നി​ന്ന​തോ​ടെ​യാ​ണ് ക്വാ​റം തി​ക​യാ​ത്ത​തി​നാ​ൽ അ​വി​ശ്വാ​സ പ്ര​മേ​യം ച​ർ​ച്ച​യ്ക്കെ​ടു​ക്കാ​തെ ത​ള്ളി​യ​ത്.

കൈ​ക്കൂ​ലി​ക്കേ​സി​ൽ​പ്പെ​ട്ട മു​ൻ ചെ​യ​ർ​മാ​ൻ സ​നീ​ഷ് ജോ​ർ​ജ് രാ​ജി​വ​ച്ച​തി​ന് പി​ന്നാ​ലെ ഓ​ഗ​സ്റ്റ് എ​ട്ടി​നാ​ണ് വൈ​സ് ചെ​യ​ർ​പേ​ഴ്സ​നെ​തി​രെ യു​ഡി​എ​ഫ് കൗ​ണ്‍​സി​ല​ർ​മാ​ർ അ​വി​ശ്വാ​സ പ്ര​മേ​യ​ത്തി​ന് നോ​ട്ടീ​സ് ന​ൽ​കി​യ​ത്. നി​ല​വി​ൽ 34 അം​ഗ​ങ്ങ​ളു​ള്ള കൗ​ണ്‍​സി​ലി​ൽ അ​വി​ശ്വാ​സം ച​ർ​ച്ച ചെ​യ്യ​ണ​മെ​ങ്കി​ൽ 18 അം​ഗ​ങ്ങ​ളു​ടെ പി​ന്തു​ണ ആ​വ​ശ്യ​മാ​യി​രു​ന്നു. 13 അം​ഗ​ങ്ങ​ളു​ള്ള യു​ഡി​എ​ഫി​ന് ബി​ജെ​പി​യു​ടെ പി​ന്തു​ണ കൂ​ടി ല​ഭി​ച്ചാ​ൽ മാ​ത്ര​മാ​ണ് ഇ​ത് സാ​ധ്യ​മാ​കു​ക. എ​ന്നാ​ൽ എ​ട്ടു പേ​ർ മാ​ത്രം എ​ത്തി​യ​തോ​ടെ വ​ര​ണാ​ധി​കാ​രി പ്ര​മേ​യം ത​ള്ളി​യ​താ​യി അ​റി​യി​ക്കു​ക​യാ​യി​രു​ന്നു.

ക​ഴി​ഞ്ഞ 12ന് ​ന​ട​ന്ന ചെ​യ​ർ​മാ​ൻ തെ​ര​ഞ്ഞെ​ടു​പ്പി​ൽ ഘ​ട​ക​ക​ക്ഷി​ക​ളാ​യ കോ​ണ്‍​ഗ്ര​സും മു​സ്ലീം​ലീ​ഗും ഓ​രോ സ്ഥാ​നാ​ർ​ഥി​ക​ളെ വീ​തം നി​ർ​ത്തി​യ​തോ​ടെ​യാ​ണ് വ്യ​ക്ത​മാ​യ ഭൂ​രി​പ​ക്ഷ​മു​ണ്ടാ​യി​ട്ടും യു​ഡി​എ​ഫി​ന് ഭ​ര​ണം കൈ​വി​ട്ടു​പോ​യ​ത്. മൂ​ന്നു ഘ​ട്ട​ങ്ങ​ളാ​യി ന​ട​ന്ന വോ​ട്ടെ​ടു​പ്പി​ന്‍റെ അ​വ​സാ​ന​ഘ​ട്ട​ത്തി​ൽ യു​ഡി​എ​ഫ് നേ​തൃ​ത്വ​ത്തെ വെ​ട്ടി​ലാ​ക്കി മു​സ്ലീം​ലീ​ഗ് അം​ഗ​ങ്ങ​ൾ എ​ൽ​ഡി​എ​ഫ് സ്ഥാ​നാ​ർ​ഥി​ക്ക് വോ​ട്ടു ചെ​യ്തോ​ടെ​യാ​ണ് ഇ​ട​തു​പ​ക്ഷ​ത്തി​ന് ഭ​ര​ണം കി​ട്ടി​യ​ത്. തു​ട​ർ​ന്നു ദി​വ​സ​ങ്ങ​ളോ​ളം ഇ​രു പാ​ർ​ട്ടി​ക​ളു​ടെ​യും നേ​താ​ക്ക​ൾ പ​ര​സ്പ​രം വാ​ക്പോ​ര് തു​ട​ർ​ന്നു. ഡി​സി​സി പ്ര​സി​ഡ​ന്‍റ് സി.​പി.​ മാ​ത്യു​വും മു​സ്ലീം ലീ​ഗ് ജി​ല്ലാ നേ​തൃ​ത്വ​വും പ​ര​സ്പ​രം രൂ​ക്ഷ​മാ​യ ആ​രോ​പ​ണ​ങ്ങ​ൾ ഉ​ന്ന​യി​ച്ചി​രു​ന്നു. ലീ​ഗ് നേ​തൃ​ത്വ​ത്തി​ന്‍റെ വാ​ദ​ങ്ങ​ളെ സി.​പി.​മാ​ത്യു ത​ള്ളി​യ​തോ​ടെ ഡി​സി​സി പ്ര​സി​ഡ​ന്‍റി​നെ മാ​റ്റാ​തെ ച​ർ​ച്ച​ക്കി​ല്ലെ​ന്ന് മു​സ്ലീം ലീ​ഗും പ്ര​ഖ്യാ​പി​ച്ചി​രു​ന്നു.


യു​ഡി​എ​ഫു​മാ​യി ഇ​നി സ​ഹ​ക​രി​ക്കി​ല്ലെ​ന്ന് ലീ​ഗും വ്യ​ക്ത​മാ​ക്കി. എ​ന്നാ​ൽ വൈ​സ് ചെ​യ​ർ​പേ​ഴ്സ​നെ​തി​രാ​യ അ​വി​ശ്വാ​സ പ്ര​മേ​യ ച​ർ​ച്ച​യി​ൽ പ​ങ്കെ​ടു​ക്കു​മെ​ന്നാ​യി​രു​ന്നു ലീ​ഗ് ജി​ല്ലാ പ്ര​സി​ഡ​ന്‍റ് കെ.​എം.​എ ഷു​ക്കൂ​ർ അ​റി​യി​ച്ച​ത്. എ​ന്നാ​ൽ ഇ​ന്ന​ലെ ഈ ​പ്ര​സ്താ​വ​ന​യും പാ​ഴ്‌വാക്കാ​യി മാ​റി.

പ്ര​ശ്ന പ​രി​ഹാ​ര​ത്തി​ന് യു​ഡി​എ​ഫ് സം​സ്ഥാ​ന​ത​ല​ത്തി​ൽ മൂ​ന്നം​ഗ ക​മ്മി​റ്റി​യെ നി​യോ​ഗി​ച്ചി​ട്ടു​ണ്ടെ​ന്നാ​ണ് ല​ഭി​ക്കു​ന്ന വി​വ​രം. എ​ന്നാ​ൽ കോ​ണ്‍​ഗ്ര​സു​മാ​യു​ള്ള പ​ട​ല​പ്പി​ണ​ക്ക​ങ്ങ​ൾ ഇ​നി​യും അ​വ​സാ​നി​ച്ചി​ട്ടി​ല്ലെ​ന്നാ​ണ് ലീ​ഗി​ന്‍റെ വി​ട്ടു​നി​ൽ​ക്ക​ലി​ൽ നി​ന്ന് വ്യ​ക്ത​മാ​കു​ന്ന​ത്. പ്ര​ശ്ന​പ​രി​ഹാ​രം നീ​ണ്ടു പോ​കു​ന്ന​തി​ൽ യു​ഡി​എ​ഫ് അ​ണി​ക​ൾ​ക്കി​ട​യി​ലും ശ​ക്ത​മാ​യ അ​മ​ർ​ഷ​മു​ണ്ട്.