കൊ​ച്ചി വി​മാ​ന​ത്താ​വ​ള​ത്തി​ൽ 61 ല​ക്ഷ​ത്തി​ന്‍റെ സ്വ​ർ​ണം പി​ടി​കൂ​ടി
Thursday, May 30, 2024 5:12 AM IST
നെ​ടു​മ്പാ​ശേ​രി: കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ എ​യ​ർ ക​സ്റ്റം​സ് ഇ​ന്‍റ​ലി​ജ​ൻ​സ് വി​ഭാ​ഗം മൂ​ന്നു​യാ​ത്ര​ക്കാ​രി​ൽ നി​ന്നാ​യി 61 ല​ക്ഷം രൂ​പ വി​ല​യു​ള്ള 900.20 ഗ്രാം ​സ്വ​ർ​ണാ​ഭ​ര​ണ​ങ്ങ​ൾ പി​ടി​കൂ​ടി. അ​ബു​ദാ​ബി​യി​ൽ നി​ന്നും എ​യ​ർ ഇ​ന്ത്യ എ​ക്സ്പ്ര​സ് വി​മാ​ന​ത്തി​ൽ വ​ന്ന യാ​ത്ര​ക്കാ​രി​യി​ൽ നി​ന്നും 261.5 ഗ്രാം ​സ്വ​ർ​ണാ​ഭ​ര​ണ​ങ്ങ​ളാ​ണ് പി​ടി​കൂ​ടി​യ​ത്.

ഇ​വ​രി​ൽ​നി​ന്ന് ര​ണ്ട് സ്വ​ർ​ണ ബി​സ്ക​റ്റു​ക​ളും, ഒ​രു ബ്രേ​സ്‌​ലെ​റ്റു​മാ​ണ് ക​ണ്ടെ​ടു​ത്ത​ത്. ഇ​വ കാ​ലി​ലെ സോ​ക്സി​ന​ക​ത്താ​ണ് ഒ​ളി​പ്പി​ച്ചി​രു​ന്ന​ത്. ടെ​ർ​മി​ന​ൽ മാ​നേ​ജ​ർ അ​റി​യി​ച്ച​ത​നു​സ​രി​ച്ചാ​ണ് ഈ ​യാ​ത്ര​ക്കാ​രി​യെ പ​രി​ശോ​ധി​ച്ച് സ്വ​ർ​ണം ക​ണ്ടെ​ടു​ത്ത​ത്. ഇ​വ​ർ വി​മാ​ന​ത്താ​വ​ള​ത്തി​ൽ നി​ന്നും ക​സ്റ്റം​സി​ന് പി​ടി​കൊ​ടു​ക്കാ​തെ ടാ​ക്സി കാ​റി​ൽ പു​റ​ത്തേ​ക്ക് പോ​യി.

ഇ​വ​രെ പി​ന്തു​ട​ർ​ന്ന് മ​റ്റൊ​രു സം​ഘം സ്വ​ർ​ണം ത​ട്ടി​യെ​ടു​ക്കാ​ൻ മ​റ്റൊ​രു വാ​ഹ​ന​ത്തി​ൽ പി​ന്തു​ട​ർ​ന്നു. ത​ന്നെ മ​റ്റൊ​രു സം​ഘം പി​ന്തു​ട​രു​ന്നു​ണ്ടെ​ന്ന് മ​ന​സ്സി​ലാ​ക്കി​യ യു​വ​തി കാ​ർ തി​രി​ച്ച് എ​യ​ർ​പോ​ർ​ട്ടി​ലേ​ക്ക് പോ​കാ​ൻ ഡ്രൈ​വ​റോ​ട് പ​റ​ഞ്ഞു.

അ​വ​രി​ൽ​നി​ന്നും ര​ക്ഷ​പ്പെ​ടാ​ൻ വേ​ണ്ടി ഈ ​യു​വ​തി തി​രി​ച്ച് വി​മാ​ന​ത്താ​വ​ള​ത്തി​ലേ​ക്ക് വ​ന്ന് ടെ​ർ​മി​ന​ൽ മാ​നേ​ജ​റു​ടെ മു​റി​യി​ൽ അ​ഭ​യം​തേ​ടി. ഈ ​സ​മ​യ​ത്താ​ണ് ടെ​ർ​മി​ന​ൽ മാ​നേ​ജ​ർ വി​വ​രം ക​സ്റ്റം​സി​നെ അ​റി​യി​ച്ച​ത്. ക​സ്റ്റം​സ് ഉ​ദ്യോ​ഗ​സ്ഥ​ന്മാ​ർ വ​ന്ന് ഇ​വ​രി​ൽ നി​ന്നും സ്വ​ർ​ണം പി​ടി​കൂ​ടു​ക​യാ​യി​രു​ന്നു.

ദു​ബാ​യി​ൽ നി​ന്നും എ​യ​ർ ഇ​ന്ത്യ എ​ക്സ്പ്ര​സ് വി​മാ​ന​ത്തി​ൽ വ​ന്ന മ​റ്റൊ​രു യാ​ത്ര​ക്കാ​ര​നി​ൽ നി​ന്നും 219.9 ഗ്രാം ​സ്വ​ർ​ണാ​ഭ​ര​ണ​ങ്ങ​ൾ പി​ടി​ച്ച​ത്. ഒ​രു സ്വ​ർ​ണ​മാ​ല​യും ര​ണ്ട് കോ​യി​നു​മാ​ണ് ഇ​യാ​ളി​ൽ​നി​ന്നും ക​ണ്ടെ​ടു​ത്ത​ത്. ഇ​യാ​ൾ സ്വ​ർ​ണം പ​ഴ്സി​ന​ക​ത്താ​ണ് ഒ​ടു​പ്പി​ച്ചി​രു​ന്ന​ത്. ര​ണ്ട് യാ​ത്ര​ക്കാ​രു​ടെ പേ​രി​ലും ഇ​ന്ത്യ​ൻ ക​സ്റ്റം​സ് ആ​ക്ട് അ​നു​സ​രി​ച്ച് കേ​സെ​ടു​ത്ത് മേ​ൽ ന​ട​പ​ടി​ക​ൾ സ്വീ​ക​രി​ച്ചു​വ​രു​ന്നു.

ദോ​ഹ​യി​ൽ നി​ന്നും എ​യ​ർ ഇ​ന്ത്യ എ​ക്സ്പ്ര​സി​ൽ വ​ന്ന ക​ണ്ണൂ​ർ സ്വ​ദേ​ശി​യി​ൽ നി​ന്നും 340.15 ഗ്രാം ​തൂ​ക്ക​മു​ള്ള സ്വ​ർ​ണ​മാ​ണ് പി​ടി കൂ​ടി​യ​ത്. ഇ​തി​ന് വി​പ​ണി​യി​ൽ 23 ല​ക്ഷം രൂ​പ വി​ല​യു​ണ്ട്. ര​ണ്ട് സ്വ​ർ​ണ​മാ​ല​ക​ളും, ഒ​രു മാ​ല​യു​ടെ ക​ഷ​ണ​വു​മാ​ണ് പി​ടി​ച്ച​ത്. ഹാ​ൻ​ഡ് ബാ​ഗി​ന​ക​ത്താ​ണ് സ്വ​ർ​ണം ഒ​ളി​പ്പി​ച്ചി​രു​ന്ന​ത്.

പു​റ​ത്തേ​ക്കു​ള്ള ഗേ​റ്റി​ൽ വ​ച്ചാ​ണ് ഈ ​യാ​ത്ര​ക്കാ​ര​നെ ഇ​ന്‍റ​ലി​ജ​ൻ​സ് വി​ഭാ​ഗം പി​ടി​ച്ച് വി​ശ​ദ​മാ​യ പ​രി​ശോ​ധ​ന ന​ട​ത്തി​യ​ത്. ഇ​യാ​ളു​ടെ പേ​രി​ൽ ഇ​ന്ത്യ​ൻ ക​സ്റ്റം​സ് ആ​ക്ട് അ​നു​സ​രി​ച്ച് കേ​സെ​ടു​ത്തി​ട്ടു​ണ്ട്.