കോതമംഗലം: കുട്ടന്പുഴ പിണവൂർകുടിയിൽ വനപാലകരെ ആക്രമിച്ച രണ്ടുപേരെ പോലിസ് അറസ്റ്റ് ചെയ്തു. പുത്തൻപുരക്കൽ കിരണ്, അലക്കൽ കുഞ്ഞുമോൻ എന്നിവരാണ് പിടിയിലായത്.
നാട്ടിലിറങ്ങിയ കാട്ടാനയെ തുരത്താൻ എത്തിയ ഉരുളൻതണ്ണി ഫോറസ്റ്റ് സ്റ്റേഷനിലെ ഉദ്യോഗസ്ഥരെ പ്രതികൾ ആക്രമിക്കുകയായിരുന്നുവെന്ന് പോലിസ് പറഞ്ഞു.
ആന ഇറങ്ങിയ വിവരം പ്രതികൾ തന്നെയാണ് വനപാലകരെ അറിയിച്ചത്. തുടർന്നുണ്ടായ വാക്കുതർക്കമാണ് കേസിനും അറസ്റ്റിനും കാരണമായത്.