പെരുമ്പാവൂർ: അല്ലപ്ര കൊയ്നോനിയയിലെ മാർ ബസേലിയോസ് ഡയാലിസിസ് സെന്ററിന് പള്ളിക്കര സെന്റ് മേരീസ് കത്തീഡ്രൽ യൂത്ത് അസോസിയേഷന്റെ കൈത്താങ്ങ്. ഒരുമയുടെ മാധുര്യം എന്ന പേരിൽ അസോസിയേഷൻ നടത്തിയ കേക്ക് ചലഞ്ച് വഴിയും 32-ാമത് പള്ളിക്കര കൺവൻഷന്റെ സമാപന ദിവസത്ത കാണിക്കയും ചേർത്താണ് ഡയാലിസിസ് രോഗികൾക്ക് സഹായമൊരുക്കിയത്.
യാക്കോബായ സഭാ പെരുമ്പാവൂർ മേഖലാധിപൻ മാത്യൂസ് മാർ അഫ്രേം മെത്രാപ്പോലീത്തയ്ക്ക് യൂത്ത് അസോസിയേഷൻ വർക്കിംഗ് പ്രസിഡന്റ് ഫാ. ഹെനു തമ്പി തുക കൈമാറി. ഫാ. ബേസിൽ ഏലിയാസ്, പോൾ ഏബ്രഹാം, ലിജു സാജു, യൂത്ത് അസോസിയേൻ ജനറൽ സെക്രട്ടറി സാം ചെറിയാൻ, ബോബി വർഗീസ്, ബേസിൽ ഏലിയാസ്, ജോർഡിൻ കെ. ജോയ്, എം.കെ. വർഗീസ്, അബു ഏബ്രഹാം, ഏലിയാസ് ജോസഫ്, എൽദോ എന്നിവർ പ്രസംഗിച്ചു.