കാ​ക്ക​നാ​ട്: കെ​ട്ടി​ട ഉ​ട​മ​യും ഹോ​സ്റ്റ​ൽ ന​ട​ത്തി​പ്പു​കാ​രി​യും ത​മ്മി​ലു​ള്ള വാ​ട​ക​ത്ത​ർ​ക്ക​ത്തെ തു​ട​ർ​ന്ന് കാ​ക്ക​നാ​ട് ടി​വി സെ​ന്‍റ​റി​നു സ​മീ​പ​മു​ള്ള സ്വ​കാ​ര്യ ഹോ​സ്റ്റ​ലി​ലെ താ​മ​സ​ക്കാ​രെ ഹോ​സ്റ്റ​ൽ ന​ട​ത്തി​പ്പു​കാ​രി പൂ​ട്ടി​യി​ട്ട​താ​യി പ​രാ​തി. ഇ​ന്ന​ലെ രാ​വി​ലെ 10 ഓ​ടെ​യാ​ണ് ന​ട​ത്തി​പ്പു​കാ​രി​യാ​യ സ്ത്രീ ​ഹോ​സ്റ്റ​ലി​ന്‍റെ പ്ര​ധാ​ന വാ​തി​ൽ താ​ഴി​ട്ടു പൂ​ട്ടി​യ​ത്.

മൂ​ന്നു താ​മ​സ​ക്കാ​ർ ഹോ​സ്റ്റ​ലി​നു​ള്ളി​ലു​ണ്ടാ​യി​രു​ന്നു. ഇ​വ​ർ കൊ​ച്ചി പ്ര​ത്യേ​ക സാ​മ്പ​ത്തി​ക മേ​ഖ​ല​യി​ലെ ജീ​വ​ന​ക്കാ​രാ​ണ്. അ​യ​ൽ​വാ​സി​ക​ൾ കെ​ട്ടി​ട ഉ​ട​മ​യെ വി​വ​ര​മ​റി​യി​ച്ച​തി​നെ​തു​ട​ർ​ന്ന് ഉ​ട​മ തൃ​ക്കാ​ക്ക​ര പോ​ലീ​സി​ൽ പ​രാ​തി ന​ൽ​കി. വൈ​കി​ട്ട് മൂ​ന്നോ​ടെ എ​ത്തി​യ പോ​ലീ​സ് പ്ര​ധാ​ന വാ​തി​ലി​ന്‍റെ ലോ​ക്ക് പൊ​ട്ടി​ച്ചാ​ണ് ഉ​ള്ളി​ലു​ള്ള​വ​രെ പു​റ​ത്തി​റ​ക്കി​യ​ത്.

ഹോ​സ്റ്റ​ൽ ന​ട​ത്തി​പ്പു​കാ​രി​യെ പ​ല​വ​ട്ടം വി​ളി​ച്ച് വാ​തി​ൽ തു​റ​ക്കാ​ൻ പോ​ലീ​സ് ആ​വ​ശ്യ​പ്പെ​ട്ടെ​ങ്കി​ലും അ​വ​ർ എ​ത്താ​ൻ വൈ​കി​യ​തി​നെ​തു​ട​ർ​ന്നാ​ണ് പോ​ലീ​സ് എ​ത്തി ഹോ​സ്റ്റ​ൽ മു​റി​യി​ൽ അ​ക​പ്പെ​ട്ട​വ​രെ ര​ക്ഷി​ച്ച​ത്.

ഹോ​സ്റ്റ​ൽ ന​ട​ത്തി​പ്പു​കാ​രി​യും കെ​ട്ടി​ട ഉ​ട​മ​യും ത​മ്മി​ൽ ഹൈ​ക്കോ​ട​തി​യി​ൽ കേ​സ് നി​ല​നി​ൽ​ക്കു​ന്നു​ണ്ട്. ഇ​തി​നി​ടെ​യാ​ണ് ന​ട​ത്തി​പ്പു​കാ​രി ഹോ​സ്റ്റ​ൽ പൂ​ട്ടി​യ​തെ​ന്ന് കെ​ട്ടി​ട ഉ​ട​മ പ​റ​ഞ്ഞു. താ​മ​സ​ക്കാ​രെ സ്റ്റേ​ഷ​നി​ൽ വി​ളി​ച്ചു​വ​രു​ത്തി മൊ​ഴി രേ​ഖ​പ്പെ​ടു​ത്തി​യ​താ​യി തൃ​ക്കാ​ക്ക​ര പോ​ലീ​സ് പ​റ​ഞ്ഞു.