അങ്കമാലി ടൗ​ണി​ലെ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കാ​ന്‍ ന​ട​പ​ടിവേ​ണം: ബ​സു​ട​മ​ക​ള്‍‌
Wednesday, October 16, 2024 3:37 AM IST
അ​ങ്ക​മാ​ലി: ടൗ​ണി​ലെ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കാ​ന്‍ അ​ടി​യ​ന്തി​ര ന​ട​പ​ടി സ്വീ​ക​രി​ക്ക​ണ​മെ​ന്ന് അ​ങ്ക​മാ​ലി മേ​ഖ​ല പ്രൈ​വ​റ്റ് ബ​സ് ഓ​പ്പ​റേ​റ്റേ​ഴ്‌​സ് അ​സോ​സി​യേ​ഷ​ന്‍ ആ​വ​ശ്യ​പ്പെ​ട്ടു.
ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി കൈ​ക്കൊ​ണ്ട തീ​രു​മാ​ന​ങ്ങ​ള്‍ ന​ട​പ്പാ​ക്കാ​ത്ത​തി​നാ​ല്‍ പ​ട്ട​ണ​ത്തി​ല്‍ ഗ​താ​ഗ​ത​ക്കു​രു​ക്ക് നി​ത്യ​സം​ഭ​വ​മാ​യി മാ​റി​ക്ക​ഴി​ഞ്ഞു. ക​ഴി​ഞ്ഞ ഓ​ണ​ക്കാ​ല​ത്ത് ജ​ന​പ്ര​തി​നി​ധി​ക​ളും ഉ​ദ്യോ​ഗ​സ്ഥ​രും വി​വി​ധ സം​ഘ​ട​ന ഭാ​ര​വാ​ഹി​ക​ളും വി​പു​ല​മാ​യ യോ​ഗം ചേ​ര്‍​ന്നെ​ങ്കി​ലും തു​ട​ര്‍​ന​ട​പ​ടി​ക​ള്‍ ഒ​ന്നും ഉ​ണ്ടാ​യി​ട്ടി​ല്ല.

ദേ​ശീ​യ​പാ​ത​യി​ല്‍ ടൗ​ണി​ലെ ഏ​റ്റ​വും പ്ര​ധാ​ന ബസ് ​സ്റ്റോ​പ്പ് ആ​യ സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ​യു​ടെ മു​ന്‍​വ​ശ​ത്താ​ണ് ഏ​റ്റ​വും കൂ​ടു​ത​ല്‍ അ​ന​ധി​കൃ​ത പാ​ര്‍​ക്കിം​ഗ് ഉ​ള്ള​ത്. ഇ​വി​ടെ അ​ന​ധി​കൃ​ത പാ​ര്‍​ക്കിം​ഗ് മൂ​ലം ബ​സു​ക​ള്‍​ക്ക് റോ​ഡി​ല്‍ ത​ന്നെ നി​റു​ത്തേ​ണ്ട അ​വ​സ്ഥ​യാ​ണ്.

നി​ര​വ​ധി നോ ​പാ​ര്‍​ക്കിം​ഗ് ബോ​ര്‍​ഡു​ക​ള്‍ ഇ​വി​ടെ സ്ഥാ​പി​ച്ചി​ട്ടു​ണ്ടെ​ങ്കി​ലും ലം​ഘി​ക്കു​ന്ന​വ​ര്‍​ക്ക് എ​തി​രെ ശി​ക്ഷാ ന​ട​പ​ടി​ക​ള്‍​ക്ക് അ​ധി​കാ​രി​ക​ള്‍ ത​യാ​റാ​കാ​ത്ത​തി​നാ​ല്‍ കാ​റു​ക​ളും ഇ​രു​ച​ക്ര​വാ​ഹ​ന​ങ്ങ​ളും മാ​ര്‍​ഗ​ത​ട​സം ഉ​ണ്ടാ​ക്കു​ന്ന രീ​തി​യി​ല്‍ റോ​ഡി​ല്‍ ത​ന്നെ പാ​ര്‍​ക്ക് ചെ​യ്യു​ന്നു. അ​തി​നു പു​റ​മേ​യാ​ണ് ബ​സ് സ്റ്റോ​പ്പി​ല്‍ ആ​ഴ​മു​ള്ള കു​ഴി​ക​ളി​ല്‍ ചെ​ളി​വെ​ള്ളം കെ​ട്ടി​ക്കി​ട​ക്കു​ന്ന​ത് കാ​ര​ണം യാ​ത്ര​ക്കാ​ര്‍ അ​നു​ഭ​വി​ക്കു​ന്ന പ്ര​യാ​സ​ങ്ങ​ള്‍.


ഫ്രീ ​ലെ​ഫ്റ്റി​നും യൂ ​ടേ​ണ്‍ എ​ടു​ക്കു​ന്ന​തി​നും ത​ട​സം വ​രു​ത്തി​യു​ള്ള പാ​ര്‍​ക്കിം​ഗ് ആ​വ​ര്‍​ത്തി​ച്ചാ​ലും അ​ധി​കാ​രി​ക​ള്‍ ന​ട​പ​ടി എ​ടു​ക്കു​ന്നി​ല്ല. ഗ​താ​ഗ​ത മ​ന്ത്രി മാ​സ​ങ്ങ​ള്‍​ക്ക് മു​മ്പേ അ​ങ്ക​മാ​ലി പ്ര​ദേ​ശ​ത്ത് നേ​രി​ട്ട് വ​ന്ന് ഗ​താ​ഗ​ത​ക്കു​രു​ക്ക് ക​ണ്ട് ബോ​ധ്യ​പ്പെ​ട്ട് പ​രി​ഹാ​ര​മാ​ര്‍​ഗ​ങ്ങ​ള്‍​ക്ക് നി​ര്‍​ദ്ദേ​ശം ന​ല്‍​കി​യെ​ങ്കി​ലും യാ​തൊ​രു തു​ട​ര്‍​ന​ട​പ​ടി​ക​ളും ഉ​ണ്ടാ​യി​ട്ടി​ല്ല.

ഗ​താ​ഗ​ത​ക്കു​രു​ക്ക്മൂലം സ്വ​കാ​ര്യ​ബ​സ് മേ​ഖ​ല​യു​ടെ നി​ല​നി​ല്‍​പ്പു പോ​ലും പ്ര​തി​സ​ന്ധി​യി​ല്‍ ആ​ക്കു​ന്നു. സ​മ​യ​നി​ഷ്ഠ പാ​ലി​ച്ചും ട്രി​പ്പ് മു​ട​ക്കാ​തെ​യും സ​ര്‍​വീ​സ് ന​ട​ത്താ​ന്‍ ക​ഴി​യാ​ത്ത​തു മൂ​ലം യാ​ത്ര​ക്കാ​ര്‍ ബ​സു​ക​ളെ കൈയൊ​ഴി​യു​ക​യാ​ണ്.

ക​ര​യാം​പ​റ​മ്പ് മു​ത​ല്‍ ടെ​ല്‍​ക്ക് വ​രെ​യു​ള്ള ദേ​ശീ​യ​പാ​ത​യി​ല്‍ റോ​ഡി​ന്‍റെ ഇ​രു​വ​ശ​ങ്ങ​ളി​ലും നി​ല​വി​ലു​ള്ള സ്ഥ​ലം പൂ​ര്‍​ണ​മാ​യും പ്ര​യോ​ജ​ന​പ്പെ​ടു​ത്തി​യു​ള്ള ന​വീ​ക​ര​ണ പ്ര​വ​ര്‍​ത്തി​ക​ള്‍ ന​ട​ത്തി ഗ​താ​ഗ​ത പ്ര​ശ്‌​ന​ങ്ങ​ള്‍​ക്ക് അ​ടി​യ​ന്തി​ര പ​രി​ഹാ​രം കാ​ണ​ണ​മെ​ന്ന് അ​സോ​സി​യേ​ഷ​ന്‍ പ്ര​സി​ഡ​ന്റ് ഏ.​പി. ജി​ബി, സെ​ക്ര​ട്ട​റി ബി.​ഒ.​ഡേ​വി​സ് എ​ന്നി​വ​ര്‍ ആ​വ​ശ്യ​പ്പെ​ട്ടു.