വ​ഖ​ഫ് ഭൂ​മി ത​ർ​ക്കം നി​യ​മ​സ​ഭ​യി​ൽ : കേ​സു​ക​ൾ തീ​ർ​പ്പാ​ക്കാ​ൻ ന​ട​പ​ടി​ക​ൾ പു​രോ​ഗ​മി​ക്കു​ന്നു​വെ​ന്ന് മു​ഖ്യ​മ​ന്ത്രി
Wednesday, October 16, 2024 3:29 AM IST
വൈ​പ്പി​ൻ: കു​ഴു​പ്പി​ള്ളി, പ​ള്ളി​പ്പു​റം വി​ല്ലേ​ജു​ക​ളി​ൽ ഉ​ൾ​പ്പെ​ട്ട 404 ഏ​ക്ക​ർ ഭൂ​മി​യി​ൽ വ​ഖ​ഫ് ബോ​ർ​ഡ് അ​വ​കാ​ശ​വാ​ദം ഉ​ന്ന​യി​ച്ച​തോ​ടെ ആ​രം​ഭി​ച്ച ത​ർ​ക്കം നി​യ​മ​സ​ഭ​യി​ൽ ഉ​ന്ന​യി​ച്ച​താ​യി കെ.​എ​ൻ. ഉ​ണ്ണി​കൃ​ഷ്ണ​ൻ എം​എ​ൽ​എ അ​റി​യി​ച്ചു. പ്രാ​ദേ​ശ​വാ​സി​ക​ൾ​ക്ക് ക​രം അ​ട​യ്ക്കാ​ൻ പ​റ്റാ​ത്ത​തി​നു കാ​ര​ണ​മാ​യ കേ​സു​ക​ൾ തീ​ർ​പ്പാ​ക്കാ​ൻ ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണെ​ന്ന് മു​ഖ്യ​മ​ന്ത്രി അ​റി​യി​ച്ച​താ​യി എം​എ​ൽ​എ പ​റ​ഞ്ഞു.

വ​ഖ​ഫ് ഭൂ​മി​യി​ൽ അ​വ​കാ​ശം ഉ​ന്ന​യി​ച്ച​തോ​ടെ 600ലേ​റെ കു​ടും​ബ​ങ്ങ​ൾ​ക്ക് ക​ര​മ​ട​യ്ക്കാ​ൻ ക​ഴി​യാ​ത്ത സാ​ഹ​ച​ര്യം ഉ​ട​ലെ​ടു​ത്തു. സ​ർ​ക്കാ​ർ ഇ​ട​പെ​ട്ട​തി​നെ തു​ട​ർ​ന്ന് റ​വ​ന്യു​മ​ന്ത്രി ക​രം സ്വീ​ക​രി​ക്കാ​ൻ നി​ർ​ദേ​ശം ന​ൽ​കി. ഇ​തി​നി​ടെ ഹൈ​ക്കോ​ട​തി​യി​ൽ ഇ​തി​നെ​തി​രെ കേ​സും തു​ട​ർ​ന്ന് സ്റ്റേ​യും വ​ന്ന​തി​നാ​ലും സ​ർ​ക്കാ​ർ ഉ​ത്ത​ര​വു​ണ്ടാ​യി​ട്ടും ക​രം സ്വീ​ക​രി​ക്കാ​ൻ ക​ഴി​യാ​തെ വ​ന്നു. ഇ​ത് ത​ര​ണം ചെ​യ്യാ​നു​ള്ള ന​ട​പ​ടി​ക​ളാ​ണ് ഇ​പ്പോ​ൾ പു​രോ​ഗ​മി​ക്കു​ന്ന​തെ​ന്ന് മു​ഖ്യ​മ​ന്ത്രി പ​റ​ഞ്ഞു.


ഇ​തു​മാ​യി ബ​ന്ധ​പ്പെ​ട്ട ഏ​താ​നും കേ​സു​ക​ളി​ൽ കൊ​ച്ചി ഭൂ​രേ​ഖ ത​ഹ​സി​ൽ​ദാ​ർ നി​ർ​ദേ​ശം സ​മ​ർ​പ്പി​ച്ചി​ട്ടു​ണ്ട്. മ​റ്റു കേ​സു​ക​ളി​ൽ അ​ഡ്വ​ക്കേ​റ്റ് ജ​ന​റ​ൽ ഓ​ഫീ​സു​മാ​യി ബ​ന്ധ​പ്പെ​ട്ടു സ്റ്റേ ​നീ​ക്കു​ന്ന​തി​നു ന​ട​പ​ടി​ക​ൾ സ്വീ​ക​രി​ച്ചു വ​രി​ക​യാ​ണ്.

ഇ​വ​യ്ക്കു പു​റ​മെ വ​ഖ​ഫ് ബോ​ർ​ഡ് എ​തി​ർ​ക​ക്ഷി​യാ​യി ആ​റു കേ​സു​ക​ളും നി​ല​വി​ലു​ണ്ടെ​ന്നും മു​ഖ്യ​മ​ന്ത്രി അ​റി​യി​ച്ച​താ​യി എം​എ​ൽ​എ വ്യ​ക്ത​മാ​ക്കി.

പ്ര​ശ്ന​ത്തി​ലെ നി​യ​മ​പ​ര​മാ​യ വ​സ്തു​ത​ക​ൾ ജ​ന​ങ്ങ​ളെ ബോ​ധ്യ​പ്പെ​ടു​ത്താ​ൻ റ​വ​ന്യു, വ​ഖ​ഫ് മ​ന്ത്രി​മാ​രു​ടെ അ​ടി​യ​ന്തി​ര യോ​ഗം വി​ളി​ച്ചു ചേ​ർ​ക്ക​ണ​മെ​ന്ന് ആ​വ​ശ്യ​പ്പെ​ട്ട് മ​ന്ത്രി പി. ​രാ​ജീ​വി​നു കെ. ​എ​ൻ. ഉ​ണ്ണി​കൃ​ഷ്ണ​ൻ ക​ത്തു ന​ൽ​കി​യി​ട്ടു​ണ്ട്.