കൊച്ചി: ജീവൻരക്ഷാ ചാരിറ്റി ആൻഡ് സർവീസ് സൊസൈറ്റി എറണാകുളം ജനറൽ ആശുപത്രി കാൻസർ വാർഡിൽ 214-ാമത് മരുന്ന് വിതരണം നടത്തി. അര ലക്ഷം രൂപയുടെ ജീവൻ രക്ഷാ മരുന്നുകൾ കാൻസർ വിഭാഗം മേധാവി ഡോ. ബാലമുരളി കൃഷ്ണ ഏറ്റുവാങ്ങി.
സൊസൈറ്റി പ്രസിഡന്റ് അഡ്വ. ജോർജ് ജോസഫ് മാപ്പിളപ്പറമ്പിൽ അധ്യക്ഷത വഹിച്ച ചടങ്ങിൽ കെ.എൻ. ഉണ്ണികൃഷ്ണൻ എംഎൽഎ, കോർപറേഷൻ കൗൺസിലർ ടി. പത്മകുമാരി എന്നിവർ ചേർന്നാണു മരുന്നുകൾ കൈമാറിയത്. പി.എസ്. അരവിന്ദാക്ഷൻ നായർ, ജോസ് നിധീരി, ഡോ. രഘുത്തമൻ എന്നിവർ പ്രസംഗിച്ചു.