മൂവാറ്റുപുഴ : വീട്ടൂർ എബനേസർ ഹയർ സെക്കൻഡറി സ്കൂളിൽ മജീഷ്യനും പ്രഭാഷകനുമായ ഗോപിനാഥ് മുതുകാട് നയിച്ച വിസ്മയം പരിപാടി നടന്നു. മാജിക്കും കഥകളും നിറഞ്ഞുനിന്ന പരിപാടിയിൽ രണ്ടു മണിക്കൂർ നേരം അദ്ദേഹം കുട്ടികളുമായി സംവദിച്ചു.
സ്കൂൾ മാനേജർ കമാൻഡർ സി.കെ. ഷാജി അധ്യക്ഷത വഹിച്ചു. പ്രധാനാധ്യാപിക ജീമോൾ കെ. ജോർജ്, പിടിഎ പ്രസിഡന്‍റ് എസ്. മോഹൻദാസ്, പ്രിൻസിപ്പൽ ബിജുകുമാർ, അക്കാദമിക് കൗണ്‍സിൽ അംഗം എം. സുധീഷ്, എംപിടിഎ പ്രസിഡന്‍റ് രേവതി കണ്ണൻ എന്നിവർ പ്രസംഗിച്ചു.