മൂവാറ്റുപുഴ : കേന്ദ്ര ബജറ്റിൽ കേരളത്തോട് കാണിച്ച അവഗണനക്കെതിരെ യൂത്ത് കോണ്ഗ്രസ് ടൗണ്‍ മണ്ഡലം കമ്മിറ്റിയുടെ വേറിട്ട പ്രതിഷേധം. കേരളവും ഇന്ത്യയിലാണെന്ന് കേന്ദ്ര ഗവണ്‍മെന്‍റിനെയും ധനകാര്യ വകുപ്പ് മന്ത്രി നിർമ്മല സീതാരാമനെയും ഓർമിപ്പിക്കുവാൻ വേണ്ടി കേരളത്തിന്‍റെ ഭൂപടം വച്ച് കത്ത് അയച്ചു കൊടുത്തായിരുന്നു പ്രതിഷേധം.
സമരം യൂത്ത് കോണ്ഗ്രസ് സംസ്ഥാന സെക്രട്ടറി മുഹമ്മദ് റഫീക്ക് ഉദ്ഘാടനം ചെയ്തു. ടൗണ്‍ മണ്ഡലം പ്രസിഡന്‍റ് സാബിത്ത് കുരുട്ടുക്കാവിൽ അധ്യക്ഷത വഹിച്ചു. യൂത്ത് കോണ്ഗ്രസ് ജില്ലാ സെക്രട്ടറി അഫ്സൽ വിളക്കത്ത്, മുനീർ കടിക്കുളം, കെ.കെ മുബീർ, അമൽ എൽദോസ്, മുഹമ്മദ് ചെറുകപ്പിള്ളി, മുഹമ്മദ് സാദിക്ക്, സി.പി ഫൈസൽ, ഷാൻ കബീർ എന്നിവർ പങ്കെടുത്തു.