കൊച്ചി: കണ്ടെയ്നര് റോഡില് ലോറിയിടിച്ച് സൈക്കിള് യാത്രികൻ മരിച്ചു. തമിഴ്നാട് സേലം സ്വദേശി മുരുകന് (54) ആണ് മരിച്ചത്. ചേരാനെല്ലൂര് സിഗ്നലിന് സമീപം ഇന്നലെ വൈകിട്ട് ആറോടെയായിരുന്നു അപകടം. ഉടൻ മുരുകനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. പോസ്റ്റുമോര്ട്ടം ഇന്ന് നടക്കും.
സംഭവത്തില് കണ്ടെയ്നര് ലോറി ഡ്രൈവര് ചിറ്റൂര് ഫെറി സ്വദേശി അക്ഷയിനെതിരെ (24) ചേരാനെല്ലൂര് പോലീസ് കേസെടുത്തു. കളമശേരി ഭാഗത്തുനിന്ന് ഇടപ്പള്ളിയിലേക്ക് ഫ്രീ ലെഫ്റ്റ് ഉണ്ടായിരുന്നിട്ടും ജംഗ്ഷനില് കണ്ടെയ്നര് തിരിച്ചതാണ് അപകടത്തിന് കാരണമെന്ന് പോലീസ് പറഞ്ഞു. ലോറി പോലീസ് കസ്റ്റഡിയിലെടുത്തു.