മാ​വോ​യി​സ്റ്റ് മ​നോ​ജിനെ തെ​ളി​വെ​ടു​പ്പിന് എത്തിച്ചു
Thursday, July 25, 2024 1:16 AM IST
കേ​ള​കം: കൊ​ച്ചി​യി​ൽ അ​റ​സ്റ്റി​ലാ​യ മാ​വോ​യി​സ്റ്റ് തൃ​ശൂ​ർ സ്വ​ദേ​ശി മ​നോ​ജി​നെ കൊ​ട്ടി​യൂ​രി​ലെ പ​ന്നി​യാം​മ​ല​യി​ലും പേ​രാ​വൂ​രി​ലു​മെ​ത്തി​ച്ച് തെ​ളി​വെ​ടു​പ്പ് ന​ട​ത്തി. കൊ​ട്ടി​യൂ​ർ പ​ന്നി​യാം​മ​ല​യി​ലെ മു​ണ്ട​യ്ക്ക​ൽ അ​ർ​ജു​ന​ന്‍റെ വീ​ട്ടി​ൽ ഒ​രു വ​ർ​ഷം മു​മ്പ് മ​നോ​ജ് സ​ന്ദ​ർ​ശ​നം ന​ട​ത്തി​യി​രു​ന്നു. ഇ​തി​ന്‍റെ പ​ശ്ചാ​ത്ത​ല​ത്തി​ലാ​ണ് ഇ​ന്ന​ലെ രാ​വി​ലെ ഇ​വി​ടെ​യെ​ത്തി​ച്ച് തെ​ളി​വെ​ടു​പ്പ് ന​ട​ത്തി​യ​ത്. കൂ​ടാ​തെ അ​റ​സ്റ്റി​ലാ​കു​ന്ന​തി​നു​മു​ന്പ് വ​സ്ത്ര​ങ്ങ​ൾ വാ​ങ്ങി​യ പേ​രാ​വൂ​രി​ലെ വ​സ്ത്രാ​ല​യ​ത്തി​ലെ​ത്തി​ച്ചും തെ​ളി​വെ​ടു​പ്പ് ന​ട​ത്തി. തീ​വ്ര​വാ​ദ​വി​രു​ദ്ധ സേ​ന (എ​ടി​എ​സ്), പോ​ലീ​സ് എ​ന്നി​വ​രു​ടെ ക​ന​ത്ത സു​ര​ക്ഷ​യി​ലാ​യി​രു​ന്നു തെ​ളി​വെ​ടു​പ്പ്. വ​യ​നാ​ട്ടി​ൽ​നി​ന്ന് കൊ​ട്ടി​യൂ​രി​ലെ​ത്തി​യ ഇ​യാ​ൾ കൊ​ട്ടി​യൂ​ർ അ​ന്പാ​യ​ത്തോ​ട്ടി​ൽ​നി​ന്ന് ഓ​ട്ടോ​റി​ക്ഷ​യി​ൽ ത​ല​ശേ​രി​യി​ലേ​ക്കും അ​വി​ടെ​നി​ന്ന് എ​റ​ണാ​കു​ള​ത്തേ​ക്കു പോ​യെ​ന്നു​മാ​ണ് ക​ണ്ടെ​ത്തി​യി​രി​ക്കു​ന്ന​ത്.


ക​ണ്ണൂ​ർ, വ​യ​നാ​ട് ജി​ല്ല​ക​ളി​ൽ പ്ര​വ​ർ​ത്തി​ക്കു​ന്ന മാ​വോ​യി​സ്റ്റ് ക​ബ​നീ​ദ​ള​ത്തി​ലെ സം​ഘാം​ഗ​മാ​ണ് മ​നോ​ജ്. ഇ​യാ​ൾ​ക്കെ​തി​രെ 14 യു​എ​പി​എ കേ​സു​ക​ളു​ണ്ടെ​ന്ന് എ​ടി​എ​സ് ഉ​ദ്യോ​ഗ​സ്ഥ​ർ പ​റ​ഞ്ഞു. വ​യ​നാ​ട് പോ​ലീ​സ് പു​റ​ത്തി​റ​ക്കി​യ വാ​ണ്ട​ഡ് നോ​ട്ടീ​സി​ലു​ൾ​പ്പെ​ട്ട മ​നോ​ജ് മെ​ക്കാ​നി​ക്ക​ൽ എ​ൻ​ജി​നി​യ​റിം​ഗ് പ‍​ഠ​ന​ത്തി​നാ​യി ചേ​ർ​ന്ന ശേ​ഷം പ​ഠ​നം ഉ​പേ​ക്ഷി​ച്ച് മാ​വോ​യി​സ്റ്റ് സം​ഘ​ത്തി​ൽ ചേ​രു​ക​യാ​യി​രു​ന്നു. ഇ​യാ​ൾ അ​ട​ങ്ങു​ന്ന 20 അം​ഗ​സം​ഘ​ത്തെ​ക്കു​റി​ച്ച് വി​വ​രം ന​ൽ​കു​ന്ന​വ​ർ​ക്ക് പോ​ലീ​സ് പാ​രി​തോ​ഷി​ക​വും പ്ര​ഖ്യാ​പി​ച്ചി​രു​ന്നു.