ക​ണ്ണൂ​ര്‍: മ​ങ്കി മ​ലേ​റി​യ രോ​ഗം ബാ​ധി​ച്ച് കു​ര​ങ്ങ​ൻ​മാ​രു​ടെ മ​ര​ണം റി​പ്പോ​ർ​ട്ട് ചെ​യ്ത ആ​റ​ളം വ​ന്യ​ജീ​വി സ​ങ്കേ​ത​ത്തി​ൽ ജി​ല്ലാ മെ​ഡി​ക്ക​ൽ ഓ​ഫീ​സ് സം​ഘം പ​രി​ശോ​ധ​ന ന​ട​ത്തി. നി​ല​വി​ൽ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്ന് ഡി​എം​ഒ ഡോ. ​പീ​യു​ഷ് എം. ​ന​മ്പൂ​തി​രി​പ്പാ​ട് അ​റി​യി​ച്ചു. ആ​റ​ളം വ​ന്യ​ജീ​വി സാ​ങ്കേ​ത​ത്തി​ന്‍റെ ഭ​ര​ണ​കാ​ര്യ കെ​ട്ടി​ട​ത്തി​ന് സ​മീ​പം ക​ഴി​ഞ്ഞ​യാ​ഴ്ച​യാ​ണ് നാ​ലു കു​ര​ങ്ങ​ന്മാ​രു​ടെ ജ​ഡം കാ​ണ​പ്പെ​ട്ട​ത്. വ​യ​നാ​ട് കു​പ്പാ​ടി​യി​ലെ വ​നം വ​കു​പ്പി​ന്‍റെ ലാ​ബി​ൽ ന​ട​ന്ന പ​രി​ശോ​ധ​ന​യി​ലാ​ണ് മ​ങ്കി മ​ലേ​റി​യ സ്ഥി​രീ​ക​രി​ച്ച​ത്.

ജി​ല്ലാ സ​ർ​വൈ​ല​ൻ​സ് ഓ​ഫീ​സ​ർ ഡോ. ​കെ.​സി. സ​ച്ചി​ന്‍റെ നേ​തൃ​ത്വ​ത്തി​ൽ ജി​ല്ലാ മെ​ഡി​ക്ക​ൽ ഓ​ഫീ​സി​ൽ നി​ന്നു​ള്ള സം​ഘ​മാ​ണ് ആ​റ​ള​ത്ത് പ​രി​ശോ​ധ​ന ന​ട​ത്തി​യ​ത്. ആ​റ​ളം റേ​ഞ്ച് ഫോ​റ​സ്റ്റ് ഓ​ഫീ​സ​റും വൈ​ൽ​ഡ് ലൈ​ഫ് അ​സി​സ്റ്റ​ന്‍റ് വാ​ർ​ഡ​നു​മാ​യ ര​മ്യ രാ​ഘ​വ​നി​ൽ​നി​ന്ന് സം​ഘം വി​വ​രം ശേ​ഖ​രി​ച്ചു. തു​ട​ർ​ന്ന് ചീ​ങ്ക​ണ്ണിപ്പുഴ​യു​ടെ തീ​ര​ങ്ങ​ളി​ലും ജീ​വ​ന​ക്കാ​രു​ടെ താ​മ​സസ്ഥ​ല​ങ്ങ​ളി​ലെ വെ​ള്ള​ക്കെ​ട്ടു​ക​ളി​ലും കൊ​തു​കു​ക​ളു​ടെ ലാ​ർ​വ​യെ ക​ണ്ടെ​ത്തു​ന്ന​തി​നു​ള്ള പ​രി​ശോ​ധ​ന ന​ട​ത്തി.
മ​ങ്കി മ​ലേ​റി​യ മ​നു​ഷ്യ​രി​ലേ​ക്ക് പ​ക​രു​ന്ന​തി​നു​ള്ള സാ​ധ്യ​ത വ​ള​രെ കു​റ​വാ​ണെ​ന്ന് സം​ഘം അ​റി​യി​ച്ചു.

കൊ​തു​ക് വ​ഴി​യാ​ണ് മ​ങ്കി മ​ലേ​റി​യ​യും പ​ക​രു​ന്ന​ത്. നി​ല​വി​ൽ സ്ഥ​ല​ത്തു ജോ​ലി ചെ​യ്യു​ന്ന ആ​ർ​ക്കും ത​ന്നെ പ​നി​യോ മ​റ്റു ല​ക്ഷ​ണ​ങ്ങ​ളോ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടി​ല്ല. ആ​റ​ളം വ​ന്യ​ജീ​വി സ​ങ്കേ​ത​ത്തി​ന് സ​മീ​പം താ​മ​സി​ക്കു​ന്ന​വ​രി​ൽ പ​നി റി​പ്പോ​ർ​ട്ട് ചെ​യ്യു​ന്ന​വ​ർ​ക്ക് മ​ലേ​റി​യ പ​രി​ശോ​ധ​ന ന​ട​ത്താ​ൻ തീ​രു​മാ​നി​ച്ചു.​രോ​ഗ സ്ഥി​രീ​ക​ര​ണം ന​ട​ത്തു​ന്ന​തി​ന് വ​നം വ​കു​പ്പ് സ്വീ​ക​രി​ച്ച ക്രി​യാ​ത്മ​ക ഇ​ട​പെ​ട​ലി​നെ ഡി​എം​ഒ അ​ഭി​ന​ന്ദി​ച്ചു.

മ​ങ്കി മ​ലേ​റി​യ കേ​സ് റി​പ്പോ​ർ​ട്ട് ചെ​യ്യ​പ്പെ​ട്ട ഉ​ട​ൻ ത​ന്നെ ഡി​എ​ഫ്ഒ​യു​ടെ നേ​തൃ​ത്വ​ത്തി​ൽ വ​നം വ​കു​പ്പ് ജീ​വ​ന​ക്കാ​ർ​ക്ക് ബോ​ധ​വ​ത്ക​ര​ണ പ​രി​പാ​ടി സം​ഘ​ടി​പ്പി​ച്ചി​രു​ന്ന​താ​യി അ​സി​സ്റ്റ​ന്‍റ് വൈ​ൽ​ഡ് ലൈ​ഫ് വാ​ർ​ഡ​ൻ അ​റി​യി​ച്ചു.

സം​ഘ​ത്തി​ൽ കീ​ഴ്പ​ള്ളി ബ്ലോ​ക്ക് മെ​ഡി​ക്ക​ൽ ഓ​ഫീ​സ​ർ പ്രി​യ സ​ദാ​ന​ന്ദ​ൻ, ജി​ല്ലാ വെ​ക്ട​ർ ബോ​ൺ ഡി​സീ​സ് ക​ൺ​ട്രോ​ൾ ഓ​ഫീ​സ​ർ ഡോ. ​കെ.​കെ. ഷി​നി, ബ​യോ​ള​ജി​സ്റ്റ് സി.​പി. ര​മേ​ശ​ൻ, ടെ​ക്‌​നി​ക്ക​ൽ അ​സി​സ്റ്റ​ന്‍റ് അ​ബ്ദു​ൾ ജ​ലീ​ൽ, ജി​ല്ലാ ഡ​പ്യൂ​ട്ടി മാ​സ് മീ​ഡി​യ ഓ​ഫീ​സ​ർ ടി. ​സു​ധീ​ഷ്, കീ​ഴ്പ​ള്ളി ബ്ലോ​ക്ക് ഹെ​ൽ​ത്ത് ഇ​ൻ​സ്പെ​ക്ട​ർ സോ​മ​സു​ന്ദ​രം, ജൂ​ണി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ ക​ണ്ണ​ൻ എ​ന്നി​വ​രും ഉ​ണ്ടാ​യി​രു​ന്നു.

ആ​രോ​ഗ്യ വ​കു​പ്പി​ന്‍റെ നി​ർ​ദേ​ശ​ങ്ങ​ൾ

രാ​ത്രി കാ​ല​ത്ത് പ​ട്രോ​ളിം​ഗി​നാ​യി വ​ന​ത്തി​ലേ​ക്ക് പോ​കു​ന്ന വ​നം വ​കു​പ്പ് ഉ​ദ്യോ​ഗ​സ്ഥ​ർ കൊ​തു​ക് ക​ടി കൊ​ള്ളാ​ത്ത​വി​ധ​ത്തി​ലു​ള്ള വ​സ്ത്ര​ങ്ങ​ൾ ധ​രി​ച്ചു കൊ​ണ്ടും ആ​വ​ശ്യ​മാ​യ മ​റ്റു മു​ൻ​ക​രു​ത​ൽ എ​ടു​ത്തും പോ​കേ​ണ്ട​താ​ണ്.

ആ​റ​ളം വ​ന്യ​ജീ​വി സ​ങ്കേ​ത​ത്തി​ലെ ജീ​വ​ന​ക്കാ​ർ​ക്കും പ​രി​സ​ര പ്ര​ദേ​ശ​ത്തെ ജ​ന​ങ്ങ​ൾ​ക്കും മ​ങ്കി മ​ലേ​റി​യ സം​ബ​ന്ധി​ച്ച ബോ​ധ​വ​ത്ക​ര​ണ പ​രി​പാ​ടി ന​ട​ത്താ​ൻ തീ​രു​മാ​നി​ച്ചു.

വ​ന​ത്തി​ലും വ​ന്യ​ജീ​വി​ക​ളു​ടെ ആ​വാ​സ വ്യ​വ​സ്ഥ​യി​ലേ​ക്കും മ​നു​ഷ്യ​ർ ക​ട​ന്നു​ചെ​ല്ലു​ന്ന സാ​ഹ​ച​ര്യ​വും വ​ന്യ​ജീ​വി​ക​ളു​മാ​യു​ള്ള സ​മ്പ​ർ​ക്ക​വും ഒ​ഴി​വാ​ക്കേ​ണ്ട​താ​ണ്.

വീ​ടും പ​രി​സ​ര​വും ശു​ചി​ത്വ​പൂ​ർ​ണ​മാ​യി നി​ല​നി​ർ​ത്തു​ക​യും കൊ​തു​കു വ​ള​രാ​ൻ സാ​ഹ​ച​ര്യം ഒ​രു​ക്കു​ന്ന ചെ​റി​യ വെ​ള്ള​ക്കെ​ട്ടു​ക​ൾ പോ​ലും ഒ​ഴി​വാ​ക്കു​ക​യും ഉ​റ​വി​ട ന​ശീ​ക​ര​ണം ശീ​ല​മാ​ക്കു​ക​യും ചെ​യ്യേ​ണ്ട​താ​ണ്.

വെ​ക്ട​ർ ബോ​ൺ ഡി​സീ​സ് ടീ​മി​ന്‍റെ നേ​തൃ​ത്വ​ത്തി​ൽ മ​ലേ​റി​യ പ​ര​ത്തു​ന്ന കൊ​തു​കി​ന്‍റെ സാ​ന്നി​ധ്യം ക​ണ്ടെ​ത്തു​ന്ന​തി​നു​ള്ള പ​രി​ശോ​ധ​ന ന​ട​പ​ടി​ക​ൾ തു​ട​രും.