നാ​ലാം​ ക്ലാ​സു​കാ​രി​ക്ക് ക്രൂ​ര​മ​ർ​ദ​നം; ട്യൂ​ഷ​ൻ അ​ധ്യാ​പി​ക​യ്ക്കെ​തി​രേ കേ​സ്
Friday, September 6, 2024 1:46 AM IST
കാ​ഞ്ഞ​ങ്ങാ​ട്: പാ​ഠ​ഭാ​ഗ​ങ്ങ​ൾ ഉ​റ​ക്കെ വാ​യി​ക്കാ​ൻ ക​ഴി​യാ​തി​രു​ന്ന​തി​ന് നാ​ലാം ക്ലാ​സ് വി​ദ്യാ​ർ​ഥി​നി​യെ ക്രൂ​ര​മാ​യി മ​ർ​ദി​ച്ച ട്യൂ​ഷ​ൻ അ​ധ്യാ​പി​ക​യ്ക്കെ​തി​രെ കേ​സ്. അ​ജാ​നൂ​ർ ക​ട​പ്പു​റം സ്വ​ദേ​ശി​നി സൂ​ര്യ (22)യ്ക്കെ​തി​രെ​യാ​ണ് ഹോ​സ്ദു​ർ​ഗ് പോ​ലീ​സ് കേ​സെ​ടു​ത്ത​ത്. സം​ഭ​വ​ത്തി​ൽ കു​ട്ടി​യു​ടെ ര​ക്ഷി​താ​ക്ക​ളു​ടെ പ​രാ​തി പ്ര​കാ​രം ബാ​ലാ​വ​കാ​ശ ക​മ്മീ​ഷ​നും കേ​സെ​ടു​ത്തി​ട്ടു​ണ്ട്.

അ​ധ്യാ​പി​ക​യു​ടെ അ​ടി​യേ​റ്റ് ഒ​മ്പ​തു​വ​യ​സു​കാ​രി​യാ​യ കു​ട്ടി​യു​ടെ കൈ​വി​ര​ൽ ഒ​ടി​ഞ്ഞി​രു​ന്നു. കു​ട്ടി​യു​ടെ പു​റം​ഭാ​ഗ​ത്ത് ചൂ​ര​ൽ വീ​ശി അ​ടി​ച്ച​തി​നെ കൈ​കൊ​ണ്ട് ത​ട​യാ​ൻ ശ്ര​മി​ച്ച​പ്പോ​ഴാ​ണ് വി​ര​ൽ ഒ​ടി​ഞ്ഞ​ത്. ചൂ​ര​ൽ കൊ​ണ്ട് ഒ​ന്നി​ലേ​റെ ത​വ​ണ ആ​ഞ്ഞ​ടി​ച്ച​തി​ന്‍റെ പാ​ടു​ക​ൾ കു​ട്ടി​യു​ടെ പു​റ​ത്തു​ണ്ട്. കൈ​വി​ര​ലി​ന് ക​ടു​ത്ത വേ​ദ​ന​യും ദേ​ഹ​ത്ത് പാ​ടു​ക​ളും ക​ണ്ടാ​ണ് കു​ട്ടി​യു​ടെ ര​ക്ഷി​താ​ക്ക​ൾ വി​വ​ര​മ​റി​ഞ്ഞ​ത്. ഉ​ട​ൻ ത​ന്നെ കു​ട്ടി​യെ ജി​ല്ലാ ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു.


ക​ഴി​ഞ്ഞ​ദി​വ​സം കാ​ഞ്ഞ​ങ്ങാ​ട് ന​ഗ​ര​മ​ധ്യ​ത്തി​ലു​ള്ള ഒ​രു സ​ർ​ക്കാ​ർ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ വി​ദ്യാ​ർ​ഥി​യു​ടെ കാ​ൽ​ത്ത​ണ്ട​യി​ൽ ചൂ​ര​ൽ കൊ​ണ്ട​ടി​ച്ച് പൊ​ട്ടി​ച്ച​തി​ന് മൂ​ന്ന് അ​ധ്യാ​പ​ക​ർ​ക്കെ​തി​രെ​യും ഹൊ​സ്ദു​ർ​ഗ് പോ​ലീ​സ് കേ​സെ​ടു​ത്തി​രു​ന്നു. വി​ദ്യാ​ർ​ഥി​ക​ൾ​ക്കി​ട​യി​ലു​ണ്ടാ​യ സം​ഘ​ർ​ഷം ക​ണ്ട് പെ​ട്ടെ​ന്ന് ക​യ​റി​വ​ന്ന അ​ധ്യാ​പ​ക​ർ ക​ണ്ണി​ൽ ക​ണ്ട​വ​രെ​യെ​ല്ലാം അ​ടി​ക്കു​ക​യാ​യി​രു​ന്നു​വെ​ന്നും സം​ഘ​ർ​ഷ​ത്തി​ൽ ഉ​ൾ​പ്പെ​ടാ​തി​രു​ന്ന വി​ദ്യാ​ർ​ഥി​ക്കാ​ണ് ചൂ​ര​ൽ കൊ​ണ്ട് മ​ർ​ദ​ന​മേ​റ്റ​തെ​ന്നു​മാ​ണ് പ​രാ​തി.