കണ്ണൂർ: ജില്ലാ പഞ്ചായത്തിനു കീഴിലുള്ള ഗവ. സ്കൂളുകള്ക്കുള്ള ലാപ്ടോപ്പ് വിതരണത്തിന്റെ ഉദ്ഘാടനം ജില്ലാ കളക്ടർ അരുണ് കെ. വിജയന് നിര്വഹിച്ചു. ജില്ലാ പഞ്ചായത്ത് ഹാളില് നടന്ന ചടങ്ങിന് ജില്ലാ പഞ്ചായത്ത് പ്രസിഡന്റ് പി.പി. ദിവ്യ അധ്യക്ഷത വഹിച്ചു.
2023 - 24 വാര്ഷിക പദ്ധതിയില് ഉള്പ്പെടുത്തി 71 സ്കൂളുകൾക്ക് അമ്പത് ലക്ഷം രൂപ മുടക്കി 142 ലാപ് ടോപ്പുകളാണ് വിതരണം ചെയ്തത്. വൈസ് പ്രസിഡന്റ് ബിനോയ് കുര്യന്, സ്റ്റാൻഡിംഗ് കമ്മിറ്റി ചെയര്പേഴ്സണ്മാരായ യു.പി. ശോഭ, ടി. സരള, കെ.കെ. രത്നകുമാരി, ഡിഡി എഡ്യുക്കേഷന് അഡ്മിനിസ്ട്രേറ്റീവ് അസിസ്റ്റന്റ് എ.എസ്. ബിജേഷ് , കണ്ണൂര് ആര്ഡിഡി രാജേഷ്കുമാര്, ജില്ലാ പഞ്ചായത്ത് സെക്രട്ടറി ഇന് ചാര്ജ് കെ.വി. മുകുന്ദന്, ജില്ലാ പഞ്ചായത്ത് മെംബര്മാര്, വിവിധ വകുപ്പുകളിലെ ഉദ്യോഗസ്ഥര്, മുഖ്യാധ്യാപകർ, അധ്യാപകര് എന്നിവർ പങ്കെടുത്തു.