പയ്യാവൂർ: ഉമ്മൻ ചാണ്ടിയുടെ പിന്നാലെ നടന്ന് അദ്ദേഹത്തെ വേട്ടയാടിയവരെ കൊണ്ട് കാലം മാപ്പ് പറയിപ്പിക്കുമെന്ന് യൂത്ത് കോൺഗ്രസ് സംസ്ഥാന ജനറൽ സെക്രട്ടറി വി.പി.അബ്ദുൾ റഷീദ്.യൂത്ത് കോൺഗ്രസ് ഇരിക്കൂർ നിയോജക മണ്ഡലം കമ്മറ്റിയുടെ ആഭിമുഖ്യത്തിൽ പയ്യാവൂർ ബസ് സ്റ്റാൻഡ് പരിസരത്ത് സംഘടിപ്പിച്ച ഉമ്മൻ ചാണ്ടി അനുസ്മരണ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
യൂത്ത് കോൺഗ്രസ് ഇരിക്കൂർ നിയോജക മണ്ഡലം പ്രസിഡന്റ് പ്രിൻസ് പുഷ്പക്കുന്നേൽ അധ്യക്ഷത വഹിച്ചു. പയ്യാവൂർ മണ്ഡലം പ്രസിഡന്റ് ജോസ്മോൻ കുഴിവേലിൽ, ജില്ലാ പ്രസിഡന്റ് വിജിൽ മോഹനൻ, ശ്രീകണ്ഠപുരം നഗരസഭാധ്യക്ഷ ഡോ.കെ.വി.ഫിലോമിന, ചാക്കോ പാലയ്ക്കലോടി, ഇ.വി.രാമകൃഷ്ണൻ, ജോഷി കണ്ടത്തിൽ, നസീമ ഖാദർ, ബിജു പുളിയംതൊട്ടി, എം.ഒ.മാധവൻ, ടി.പി.അഷ്റഫ്, ഇ.കെ.കുര്യൻ, ആൽവിൻ ജോസഫ്, ലിസമ്മ ബാബു, കോമള നാരായണൻ, ജോസ് പരത്തനാൽ, മേഴ്സി ജോസഫ്, കെ.കെ.ഷഫീക്ക്, അബിൻ എന്നിവർ പ്രസംഗിച്ചു.