ചെമ്പേരി: പൂപ്പറമ്പ് ഫുസ്കോ സീനിയർ സെക്കൻഡറി സ്കൂൾ രജത ജൂബിലി ആഘോഷങ്ങൾക്ക് തുടക്കംകുറിച്ച് ഫുസ്കോ കോൺവന്‍റ് ചാപ്പലിൽ വിശുദ്ധ കുർബാനയും പ്രത്യേക പ്രാർഥനകളും നടന്നു. പൂപ്പറമ്പ് ഫുസ്കോ പള്ളി വികാരി ഫാ. ലിബിൻ എഴുപറയിൽ വിശുദ്ധ കുർബാനയ്ക്ക് കാർമികത്വം വഹിച്ചു. സിസ്റ്റേഴ്സ് ഓഫ് സെന്‍റ് ജോൺ ദ ബാപ്റ്റിസ്റ്റ് സന്യാസിനി സമൂഹത്തിന്‍റെ പ്രൊവിൻഷ്യൽ സുപ്പീരിയർ സിസ്റ്റർ മോക്ഷപാക്യം തിരിതെളിച്ച് ആഘോഷ പരിപാടികൾ ഉദ്ഘാടനം ചെയ്തു. സ്കൂൾ പ്രിൻസിപ്പൽ സിസ്റ്റർ സലോമി ജോർജ്, മാനേജർ സിസ്റ്റർ സെലിൻ അഗസ്റ്റിൻ, അഡ്മിനിസ്ട്രേറ്റർ സിസ്റ്റർ ആനിമ്മ എന്നിവർ നേതൃത്വം നൽകി. ബംഗളൂരു പ്രൊവിൻസിൽ നിന്നുള്ള സീനിയർ സിസ്റ്റേഴ്സും സന്നിഹിതരായിരുന്നു.