കണ്ണൂർ: ജസ്റ്റീസ് ജെ.ബി. കോശി കമ്മിഷൻ റിപ്പോർട്ട് നടപ്പാക്കണമെന്നാവശ്യപ്പെട്ട് കേരള ലാറ്റിൻ കാത്തലിക് അസോസിയേഷൻ (കെഎൽസിഎ) സംസ്ഥാന വ്യാപകമായി സംഘടിപ്പിക്കുന്ന 1000 യോഗങ്ങളുടെ ഭാഗമായി പാപ്പിനിശേരി അമലോത്ഭവ മാതാ പള്ളി അങ്കണത്തിൽ കൺവൻഷൻ നടത്തി. ഇടവക വികാരി ഫാ. ജോസഫ് തണ്ണിക്കോട് ഉദ്ഘാടനം ചെയ്തു.
കേരളത്തിലെ ക്രൈസ്തവ ന്യൂനപക്ഷങ്ങളുടെ വിദ്യാഭ്യാസ, സാമ്പത്തിക പിന്നാക്കവസ്ഥ, ക്ഷേമം എന്നിവ പഠിക്കുന്നതിന് നിയോഗിക്കപ്പെട്ട ജസ്റ്റീസ് ജെ.ബി. കോശി കമ്മീഷൻ റിപ്പോർട്ട് പുറത്തു വിടുക എന്നീ ആവശ്യങ്ങൾ ഉന്നയിച്ചാണ് കൺവൻഷൻ സംഘടിപ്പിച്ചത്. രൂപത പ്രസിഡന്‍റ് ഗോഡ്സൺ ഡിക്രൂസ് അധ്യക്ഷത വഹിച്ചു. ഫാ. മാർട്ടിൻ രായപ്പൻ, രതീഷ് ആന്‍റണി, ആന്‍റണി നൊറോണ, ജോൺ ബാബു, ശ്രീജൻ ഫ്രാൻസിസ്, ഫ്രാൻസിസ് അലക്സ്‌, കെ.എച്ച്. ജോൺ, എലിസബത്ത് കുന്നത്ത്, എം.വി.ആന്‍റണി, വിജു ജോബ്, റെക്സി, പീറ്റർ എന്നിവർ പ്രസംഗിച്ചു.