കണ്ണൂർ: കണ്ണൂർ രൂപത വികാരി ജനറാളും സാമൂഹിക-സാംസ്കാരിക മേഖലകളിലെ നിറസാന്നിധ്യവുമായിരുന്ന മോൺ. ദേവസി ഈരത്തറയുടെ മൂന്നാം ചരമവാർഷികം ആചരിച്ചു. ബർണശേരി ഹോളി ട്രിനിറ്റി കത്തീഡ്രലിൽ നടന്ന അനുസ്മരണ ദിവ്യബലിക്കും കബറിടത്തിങ്കൽ നടന്ന പ്രാർഥനയിലും കണ്ണൂർ രൂപത ബിഷപ് ഡോ. അലക്സ് വടക്കുംതല മുഖ്യകാർമികത്വം വഹിച്ചു. കത്തീഡ്രൽ വികാരി റവ.ഡോ. ജോയ് പൈനാടത്ത്, ഫാ. ജോമോൻ ചെമ്പകശേരിൽ, ഫാ. വിപിൻ വില്യം, ഫാ. ആഷ്ലിൻ കളത്തിൽ എന്നിവർ സഹകാർമികത്വം വഹിച്ചു. വിവിധ സന്യാസ സമൂഹാംഗങ്ങളും അല്മായ പ്രതിനിധികളും പങ്കെടുത്തു.