ഇരിട്ടി: ഇരിട്ടിയിൽ സ്വകാര്യ ബസും വാനും കൂട്ടിയിടിച്ച് രണ്ടുപേർക്കു പരിക്ക്.
മട്ടന്നൂർ ഭാഗത്തുനിന്നും ഇരിട്ടിയിലേക്കു വരികയായിരുന്ന സ്വകാര്യ ബസും വാനും കീഴൂർ സബ് രജിസ്റ്റാർ ഓഫീസിനു മുന്നിലായിരുന്നു കൂട്ടിയിടിച്ചത്.
അപകടത്തിൽ വാനിലുണ്ടായിരുന്ന കീഴ്പള്ളി സ്വദേശി ഡൊമിനിക്ക്, തൃശൂർ സ്വദേശി റോയ് എന്നിവർക്കാണു പരിക്കു പറ്റിയത്. റോഡരികിൽ നിർത്തിയിട്ടിരിക്കുകയായിരുന്ന വാൻ പെട്ടെന്ന് റോഡിലേക്കു കയറുന്നതിനിടയിലാണ് അപകടം. വാനിന്റെ വലതുഭാഗം തകർന്നു. ബസിന്റെ മുൻഭാഗത്തെ ഗ്ലാസ് ഉൾപ്പെടെ തകർന്നിട്ടുണ്ട്. പരിക്കേറ്റവരെ ആദ്യം ഇരിട്ടിയിലെ അമല ആശുപത്രിയിലും പിന്നീട് കണ്ണൂരിലെ സ്വകാര്യ ആശുപത്രിയിലേക്കും മാറ്റി.