ക​ന​ത്ത കാ​റ്റിൽ വ്യാ​പ​ക നാ​ശ​ന​ഷ്ടം
Tuesday, July 23, 2024 1:50 AM IST
ഇ​രി​ട്ടി: ഇ​ന്ന​ലെ ഉ​ച്ച​യോ​ടെ പെ​യ്ത ക​ന​ത്ത മ​ഴ​യി​ലും കാ​റ്റി​ലും അ​യ്യ​ൻ​കു​ന്ന് പ​ഞ്ചാ​യ​ത്തി​ലെ ക​രി​ക്കോ​ട്ട​ക്ക​രി മേ​ഖ​ല​യി​ൽ വ്യാ​പ​ക​മാ​യ നാ​ശ​ന​ഷ്ട​ങ്ങ​ൾ സം​ഭ​വി​ച്ചു. ക​രി​ക്കോ​ട്ട​ക്ക​രി ഉ​രു​പ്പം​കു​റ്റി റോ​ഡി​ൽ കൃ​ഷി​ഭ​വ​നു സ​മീ​പം പൊ​തു​മ​രാ​മ​ത്ത് റോ​ഡി​ലെ കൂ​റ്റ​ൻ വാ​ക​മ​ര​ത്തി​ന്‍റെ ശി​ഖ​രം ഒ​ടി​ഞ്ഞു​വീ​ണ് വ​ള്ളി​ക്കാ​വു​ങ്ക​ൽ ബാ​ബു​വി​ന്‍റെ പു​ര​യി​ട​ത്തി​ലെ തെ​ങ്ങും മാ​വും അ​ട​ക്കം നി​ര​വ​ധി ഫ​ല​വൃ​ക്ഷ​ങ്ങ​ൾ ന​ശി​ച്ചു. വീ​ടി​ന്‍റെ മ​തി​ല​ട​ക്കം ത​ക​ർ​ന്ന നി​ല​യി​ലാ​ണ്. കാ​ർ​പോ​ർ​ച്ചി​ൽ നി​ർ​ത്തി​യി​ട്ടി​രു​ന്ന ബൈ​ക്കു​ക​ൾ​ക്ക് സ​മീ​പം വ​രെ​യും മ​ര​ച്ചി​ല്ല​ക​ൾ എ​ത്തി​യെ​ങ്കി​ലും കേ​ടു​പാ​ടു​ക​ൾ ഒ​ന്നും സം​ഭ​വി​ച്ചി​ല്ല.
പൊ​തു​മ​രാ​മ​ത്ത് റോ​ഡി​ലെ അ​പ​ക​ടാ​വ​സ്ഥ​യി​ലാ​യ കൂ​റ്റ​ൻ വാ​ഗ​മ​രം മു​റി​ച്ചു മാ​റ്റ​ണ​മെ​ന്ന് പ്ര​ദേ​ശ​വാ​സി​ക​ൾ നി​ര​വ​ധി ത​വ​ണ പ​രാ​തി ന​ൽ​കി​യി​ട്ടും അ​ധി​കൃ​ത​ർ ഇ​തൊ​ന്നും ചെ​വി​ക്കൊ​ണ്ടി​രു​ന്നി​ല്ല. കേ​ടു​വ​ന്ന ദ്ര​വി​ച്ച ഒ​രു ശി​ഖ​രം ത​ക​ർ​ന്ന് വീ​ണ​തോ​ടെ റോ​ഡി​ലേ​ക്ക് ചാ​ഞ്ഞു നി​ൽ​ക്കു​ന്ന മ​റ്റ് ര​ണ്ട് ശി​ഖ​ര​ങ്ങ​ൾ കൂ​ടു​ത​ൽ അ​പ​ക​ടാ​വ​സ്ഥ​യി​ലാ​യി​രി​ക്കു​ക​യാ​ണ്. ര​ണ്ടു​മാ​സം മു​മ്പ് മ​രം മു​റി​ച്ചു മാ​റ്റു​ന്ന​തി​ന് ക​രാ​റു​കാ​ര​ൻ എ​ത്തി​യെ​ങ്കി​ലും മ​റ്റ് സാ​ങ്കേ​തി​ക കാ​ര​ണ​ങ്ങ​ൾ പ​റ​ഞ്ഞ് മു​റി​ക്കാ​തെ പോ​വു​ക​യാ​യി​രു​ന്നു. മ​രം വീ​ണ​തോ‌​ടെ ഇ​തു​വ​ഴി​യു​ള്ള ഗ​താ​ഗ​തം ഭാ​ഗി​ക​മാ​യി ത​ട​സ​പ്പെ​ട്ടു. സ്ഥ​ല​ത്തെ​ത്തി​യ ക​രി​ക്കോ​ട്ട​ക്ക​രി പോ​ലീ​സ് എ​സ്ഐ പ്ര​ഭാ​ക​ര​ന്‍റെ നേ​തൃ​ത്വ​ത്തി​ൽ പോ​ലീ​സും നാ​ട്ടു​കാ​രും ചേ​ർ​ന്ന് അ​പ​ക​ടാ​വ​സ്ഥ​യി​ലാ​യ മ​രം മു​റി​ച്ചു നീ​ക്കി. പ​ഞ്ചാ​യ​ത്ത് പ്ര​സി​ഡ​ന്‍റ് കു​ര്യാ​ച്ച​ൻ പൈ​മ്പ​ള്ളി​ക്കു​ന്നേ​ൽ, വൈ​സ്പ്ര​സി​ഡ​ന്‍റ് ബീ​ന റോ​ജ​സ്, സ്റ്റാ​ൻ​ഡിം​ഗ് ക​മ്മ​റ്റി ചെ​യ​ർ​മാ​ൻ ഐ​സ​ക് ജോ​സ​ഫ്, മു​ൻ പ​ഞ്ചാ​യ​ത്ത് പ്ര​സി​ഡ​ന്‍റ് കെ.​സി. ചാ​ക്കോ, കോ​ൺ​ഗ്ര​സ് ക​രി​ക്കോ​ട്ട​ക്ക​രി മ​ണ്ഡ​ലം പ്ര​സി​ഡ​ന്‍റ് മ​നോ​ജ് എം.​ക​ണ്ട​ത്തി​ൽ എ​ന്നി​വ​ർ നേ​തൃ​ത്വം ന​ൽ​കി.

ക​രി​ക്കോ​ട്ട​ക്ക​രി 18 ഏ​ക്ക​ർ റോ​ഡി​ൽ തേ​ക്ക് ക​ട​പു​ഴ​കി ഒ​റ​വാ​റ​ന്ത​റ ജി​ന്നി​യു​ടെ വീ​ട്ടു മു​റ്റ​ത്തേ​ക്ക് പ​തി​ച്ചു. ജി​ന്നി​യു​ടെ വീ​ട്ടു മ​തി​ലി​ന് കേ​ടു​പാ​ടു​ക​ൾ സം​ഭ​വി​ച്ചു. സ​മീ​പ​ത്തെ പു​ര​യി​ട ത്തി​ൽ നി​ന്ന മ​ര​മാ​ണ് വീ​ട്ടു​മു​റ്റ​ത്തേ​ക്ക് പ​തി​ച്ച​ത്. റ​ബ​ർ മ​ര​ങ്ങ​ൾ വ്യാ​പ​ക​മാ​യി പൊ​ട്ടി​വീ​ണി​ട്ടു​ണ്ട് . മ​രം പൊ​ട്ടി​വീ​ണ​തോ​ടെ ഇ​തു​വ​ഴി​യു​ള്ള ഗ​താ​ഗ​തം പൂ​ർ​ണ​മാ​യും ത​ട​സ​പ്പെ​ട്ടു. സ്ഥ​ലം ഉ​ട​മ അ​പ​ക​ട ക​ര​മാ​യി നി​ൽ​ക്കു​ന്ന മ​ര​ങ്ങ​ൾ മു​റി​ച്ചു​മാ​റ്റാ​ത്ത​താ​ണ് അ​പ​ക​ട​കാ​ര​ണം എ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

അ​യ്യ​ൻ​കു​ന്നി​ലെ വി​വി​ധ മേ​ഖ​ല​ക​ളി​ൽ വീ​ശി​യ കാ​റ്റി​ൽ മ​ര​ങ്ങ​ൾ ക​ട​പു​ഴ​കി വീ​ണ​തി​ൽ എ​ടൂ​ർ സെ​ക്ഷ​ന്‍റെ കീ​ഴി​ൽ നി​ര​വ​ധി പോ​സ്റ്റു​ക​ൾ ത​ക​ർ​ന്ന് വീ​ണു. പ്ര​ദേ​ശ​ത്തെ വൈ​ദ്യ​തി ബ​ന്ധം വി​ച്ഛേ​ദി​ച്ചിരിക്കുകയാണ്. വീ​ടു​ക​ളു​ടെ ഷീ​റ്റു​ക​ൾ കാ​റ്റി​ൽ പ​റ​ന്നു​പോ​യി. എ​ടൂ​ർ സെ​ക്ഷ​നു കീ​ഴി​ൽ മാ​ത്രം മൊ​ത്തം ആ​റ് എ​ച്ച്ടി പോ​സ്റ്റു​ക​ളും 20 എ​ൽടി ​പോ​സ്റ്റു​ക​ളും ത​ക​ർ​ന്നു. നി​ര​വ​ധി സ്ഥ​ല​ത്ത് മ​രം വീ​ണ് വൈ​ദ്യ​ത ക​മ്പി​ക​ൾ പൊ​ട്ടി. ഇ​ന്നും നാ​ളേ​യു​മാ​യി വൈ​ദ്യ​തി ബ​ന്ധം പു​നഃ​സ്ഥാ​പി​ക്കാ​നാ​കു​മെ​ന്ന് കെ​എ​സ്ഇ​ബി എ​ടൂ​ർ സെ​ക്ഷ​ൻ അ​സി​സ്റ്റ​ന്‍റ് എ​ൻ​ജി​നി​യ​ർ പി.​ജി. സ​നീ​ഷ് പ​റ​ഞ്ഞു.

കേ​ള​കം: കേ​ള​കം, കൊ​ട്ടി​യൂ​ർ, ക​ണി​ച്ചാ​ൽ പ​ഞ്ചാ​യ​ത്തു​ക​ളി​ലാ​യി ഇ​ന്ന​ലെ ഉ​ച്ച​ക​ഴി​ഞ്ഞ് വീ​ശി​യ​ടി​ച്ച കൊ​ടു​ങ്കാ​റ്റി​ൽ വ്യാ​പ​ക നാ​ശന​ഷ്ടം. നി​ര​വ​ധി വീ​ടു​ക​ൾ​ക്ക് കേ​ടു​പാ​ട് സം​ഭ​വി​ച്ചു. കാ​ർ​ഷി​ക​വി​ള​ക​ൾ​ക്കും വ്യാ​പ​ക നാ​ശ​മാ​ണ്. അ​ട​യ്ക്കാ​ത്തോ​ട്, ചെ​ട്ടി​യാം​പ​റ​മ്പ്, തു​ള്ള​ൽ, കു​ണ്ടേ​രി, ക​ണ്ട​പു​നം, മ​ന്ദംചേ​രി, പൂ​ള​ക്കു​റ്റി, നെ​ടും​പു​റംചാ​ൽ എ​ന്നി​വി​ട​ങ്ങ​ളി​ലാ​ണ് വ്യാ​പ​ക​മാ​യി കാ​റ്റ് നാ​ശം വി​ത​ച്ച​ത്.

കേ​ള​കം പ​ഞ്ചാ​യ​ത്തി​ലെ വെ​ള്ളൂ​ന്നി​യി​ലെ കു​ന്നി​ന്‍റാ​ത്ത് സു​രേ​ഷ്, ഇ​ല്ലി​മു​ക്ക് സ്വ​ദേ​ശി വെ​ള്ളാ​നി​ക്കുന്നേ​ൽ സ​ജി. ക​ണി​ച്ചാ​ർ പ​ഞ്ചാ​യ​ത്തി​ലെ മ​ണ്ണാ​ളി രാ​മ​കൃ​ഷ്ണ​ൻ, വേ​ലേ​രി കു​മ്പ, മ​രാ​ടി രാ​ജീ​വ​ൻ എ​ന്നി​വ​രു​ടെ വീ​ടു​ക​ൾ​ക്കാ​ണ് കേ​ടു​പാ​ട് സം​ഭ​വി​ച്ച​ത്. കൊ​ട്ടി​യൂ​ർ ഭാ​ഗ​ത്ത് 15 വൈ​ദ്യു​ത തൂ​ണു​ക​ൾ മ​രം വീ​ണ് ത​ക​ർ​ന്നു. മ​ന്നം ചേ​രി​യി​ൽ വൈ​ദ്യു​ത തൂ​ണു​ക​ളും മ​ര​ങ്ങ​ളും റോ​ഡി​ലേ​ക്ക് മ​റി​ഞ്ഞ് ഗ​താ​ഗ​തം സ്തം​ഭി​ച്ചു. നാ​ട്ടു​കാ​രും ഫ​യ​ർ​ഫോ​ഴ്സും പ​ഞ്ചാ​യ​ത്ത് ദ്രു​ത​ക​ർ​മ സേ​ന​യും മ​രം മു​റി​ച്ചു നീ​ക്കി​യാ​ണ് ഗ​താ​ഗ​ത ത​ട​സം നീ​ക്കി​യ​ത്. ക​ണി​ച്ചാ​ർ പ​ഞ്ചാ​യ​ത്തി​ലെ മ​ണ്ണാ​ർ​തോ​ട്ടം ജോ​ൺ, മ​ണാ​ളി ബാ​ല​കൃ​ഷ്ണ​ൻ, കൊ​ട്ടി​യൂ​ർ മ​ന്ദം ചേ​രി​യി​ലെ വ​ത്സ​ല, ച​ന്ദ്ര​ൻ എ​ന്നി​വ​രു​ടെ കാ​ർ​ഷി​ക വി​ള​ക​ളും ക​ന​ത്ത കാ​റ്റി​ൽ ന​ശി​ച്ചു.

മ​ട്ട​ന്നൂ​ർ: ക​ള​റോ​ഡ് വീ​ടി​നു മു​ക​ളി​ൽ മ​രം വീ​ണ് അ​പ​ക​ടം. ഇ​രി​ട്ടി ന​ഗ​ര​സ​ഭ കൗ​ൺ​സി​ല​ർ പി. ​ബ​ഷീ​റി​ന്‍റെ വീ​ടി​ന്‍റെ മു​ക​ളി​ലാ​ണ് ഇ​ന്ന​ലെ വൈ​കു​ന്നേ​ര​മു​ണ്ടാ​യ ശ​ക്ത​മാ​യ കാ​റ്റി​ൽ മ​രം വീ​ണ​ത്. വീ​ടി​ന്‍റെ ടാ​ങ്ക് ഉ​ൾ​പ്പെ​ടെ ത​ക​ർ​ന്നു.

എ​ട​യ​ന്നൂ​രി​ൽ വീ​ടി​നു മു​ക​ളി​ൽ കൂ​റ്റ​ൻ മ​രം വീ​ണ് വീ​ടി​നു കേ​ടു​പാ​ടു​ക​ൾ സം​ഭ​വി​ച്ചു. കെ. ​അ​ന​സി​ന്‍റെ വീ​ടി​നു മു​ക​ളി​ലാ​ണു മ​രം വീ​ണ​ത്. ഇ​ന്ന​ലെ വൈ​കു​ന്നേ​ര​മു​ണ്ടാ​യ കാ​റ്റി​ലും മ​ഴ​യി​ലു​മാ​ണു നാ​ശ​ന​ഷ്ടം.

കൂ​ത്തു​പ​റ​മ്പ്: ഇ​ന്ന​ലെ രാ​വി​ലെ ഉ​ണ്ടാ​യ ശ​ക്ത​മാ​യ ചു​ഴ​ലി കാ​റ്റി​ൽ തൃ​ക്ക​ണ്ണാ​പു​രം ഗ്രാ​മീ​ണ വാ​യ​ന​ശാ​ല​യ്ക്ക് സ​മീ​പം ജാ​ന​കി സ​ദ​ന​ത്തി​ൽ ര​തി​യു​ടെ വീ​ട്ടു​പ​റ​മ്പി​ലെ തേ​ക്ക് മ​രം പൊ​ട്ടി വീ​ണ് വൈ​ദ്യു​തി ബ​ന്ധം താ​റു​മാ​റാ​യി. പ​ന്നി​യോ​റ​യി​ലെ കൃ​ഷ്ണ​പ്രീ​യ​യു​ടെ വീ​ട്ടി​ലെ കാ​ർ​ഷെ​ഡി​ൽ തെ​ങ്ങ് വീ​ണു. തൃ​ക്ക​ണ്ണാ​പു​രം ഗ്രാ​മീ​ണ വാ​യ​ന​ശാ​ല​യ്ക്ക് സ​മീ​പം മ​രം പൊ​ട്ടി​വീ​ണു.