ചെമ്പേരി: കൂട്ടുമുഖം -ചെമ്പേരി റോഡിൽ ഒടയൻപ്ലാവ് ഭഗത്ത് കുടിവെള്ള പദ്ധതിക്കു വേണ്ടി പൈപ്പിട്ട നൂറ് മീറ്ററോളം ദൂരം കനത്ത മഴയിൽ ഇടിഞ്ഞ് ഗതാഗത തടസമുണ്ടായത് നന്മ ഗ്രൂപ്പ് സന്നദ്ധ പ്രവർത്തകർ കരിങ്കല്ല് പൊട്ടിച്ച് ഇടിഞ്ഞ് താഴ്ന്ന ഭാഗത്ത് നിറച്ച് ഗതാഗത യോഗ്യമാക്കി.
ചെമ്പേരി മേഖലയിലെ കുടിയേറ്റ ഗ്രാമങ്ങളിലേക്കുള്ള യാത്ര സൗകര്യത്തിന് വേണ്ടി ആറ് പതിറ്റാണ്ടുകൾക്ക് മുമ്പ് പൊതുജനങ്ങൾ ചേർന്ന് ശ്രമദാനത്തിലൂടെ നിർമിച്ച ചെമ്പേരി-കുട്ടുമുഖം റോഡ് സർക്കാർ ഏറ്റെടുത്ത് ടാർ ചെയ്തുവെന്നാല്ലാതെ ഈ റോഡിൽ പിന്നീട് യാതൊരു നവീകരണ പ്രവൃത്തിയും നടത്തിയിട്ടില്ല. റോഡ് വീതി കുട്ടി മെക്കാഡം ടാറിംഗ് നടത്തണമെന്ന ആവശ്യവുമായി സർക്കാറിനെ സമീപിക്കാൻ തുടങ്ങിയിട്ട് വർഷങ്ങളേറെയായെങ്കിലും ഇതുവരെ ഫലമൊന്നുമുണ്ടായിട്ടില്ല. മുൻ കാലങ്ങളിൽ പതിനഞ്ചോളം ബസുകൾ സർവീസ് നടത്തിയിരുന്ന ഈ റൂട്ടിൽ ഇപ്പോൾ രണ്ട് ബസുകൾ മാത്രമാണ് ഓടുന്നത്.