ഇരിട്ടി: താലൂക്ക് ആശുപത്രിയുടെ മുറ്റത്തെ വെള്ളക്കെട്ടിന് ശാശ്വത പരിഹാരം കാണാൻ പുതിയ പദ്ധതിയുമായി നഗരസഭ. ആശുപത്രിയുടെ മുറ്റം റൂഫിംഗ് നടത്തി വെള്ളം പൈപ്പുകളിലൂടെ ശേഖരിച്ച് നീർക്കുഴിയിൽ ശേഖരിക്കാനാണ് പുതിയ പദ്ധതി. റൂഫിംഗിനായി16,35,000 രൂപയുടെ പദ്ധതിക്ക് ടെൻഡർ നടപടികൾ പൂർത്തിക്കി പ്രവൃത്തികൾ ആരംഭിച്ചു.
ഈ പ്രവൃത്തി പൂർത്തിയാകുന്നതോടെ നിലവിലെ ഇന്റർലോക്കുകൾ മാറ്റി പുതിയ ഇന്റർലോക്കുകൾ സ്ഥാപിക്കുന്നതിനും മഴവെള്ള ശേഖരണ പദ്ധതിക്കുമായി 20 ലക്ഷം രൂപയുടെ പദ്ധതിക്കുമുള്ള ടെൻഡർ പൂർത്തിയായി. രണ്ട് പദ്ധതികളും പൂർത്തിയാകുന്നതോടെ വെള്ളക്കെട്ടിന് പരിഹാരം ആകും എന്നാണ് അധികൃതർ പറയുന്നത്. ആറുമാസമാണ് നിർമാണ കാലാവധി.