മട്ടന്നൂർ: കോടതിക്കു മുന്നിലെ വൈദ്യുത ട്രാൻസ്ഫോർമറിൽ തീ പിടിച്ചപ്പോൾ രക്ഷകരായി കോടതി ജീവനക്കാർ.
വൈദ്യുത ലൈനിൽ കാക്ക കുടുങ്ങിയതിനെ തുടർന്ന് ഷോർട്ട് സർക്യൂട്ട് മൂലം ട്രാൻസ്ഫോമറിൽ തീ ഉയർന്നത്. സംഭവം കണ്ട മട്ടന്നൂർ കോടതിയിലെ സീനിയർ ക്ലാർക്ക് ജ്യോതിഷ് ജോണും സഹപ്രവർത്തകരും കോടതി കെട്ടിടത്തിലെ അഗ്നിരക്ഷാ ഉപകരണം എടുത്തു കൊണ്ടുവന്ന് തീ കെടുത്തി. സമീപത്തു പെട്രോൾ പമ്പും മിനി സിവിൽ സ്റ്റേഷനും ഉണ്ടായിരുന്നു. സമയോചിതമായി ഇട പെടലിനെതുടർന്ന് വൻ ദുരന്തം ഒഴിവായി.