തലശേരി: കൊതുകുതിരി കത്തിക്കുമ്പോൾ വസ്ത്രത്തിന് തീപിടിച്ച് പൊള്ളലേറ്റ വയോധിക ആശുപത്രിയിൽ മരിച്ചു. തലശേരി റെയിൽവെ സ്റ്റേഷൻ റോഡിലെ കളത്തിൽ ഹൗസിൽ കെ. സുബൈദ (63) യാണു മരിച്ചത്. ഇക്കഴിഞ്ഞ 19ന് രാത്രി 11 നാണ് സുബൈദക്ക് പൊള്ളലേറ്റത്. ഉടൻ തലശേരി ജനറൽ ആശുപത്രിയിലെത്തിച്ചുവെങ്കിലും ആരോഗ്യനില വഷളായതിനാൽ പരിയാരം മെഡിക്കൽ കോളജിലേക്കു മാറ്റി. ഇന്നലെ ഉച്ചയോടെയാണു മരിച്ചത്. ഭർത്താവ്: സുലൈമാൻ. മക്കൾ: ഹംസ, ഇബ്രാഹിം, ആമിന.