ഓ​ഞ്ഞി​പ്പു​ഴ പു​ന​രു​ദ്ധാ​ര​ണം സ്തംഭിച്ചു : സ​ർ​വേ തുടങ്ങി മൂ​ന്ന് വ​ർ​ഷമായിട്ടും 20 സ​ർ​വേക്ക​ല്ലു​ക​ൾ സ്ഥാ​പി​ക്കാ​നാ​യില്ല
Monday, July 15, 2024 4:23 AM IST
ആ​ലു​വ: പെ​രി​യാ​റി​ന്‍റെ കൈ​വ​ഴി​യാ​യ വ​ര​ട്ടു​പു​ഴ​യി​ൽനി​ന്ന് പ​ടി​ഞ്ഞോ​ട്ട് ഒ​ഴു​കി​യി​രു​ന്ന ഓ​ഞ്ഞി​ത്തോ​ടി​ന്‍റെ പു​ന​രു​ദ്ധാ​ര പ​ദ്ധ​തി​യു​ടെ ഭാ​ഗ​മാ​യി ആ​രം​ഭി​ച്ച സ​ർ​വേ ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ ജി​ല്ലാ ക​ള​ക്ട​റെ സ​മീ​പി​ച്ച് ഓ​ഞ്ഞി​ത്തോ​ട് സം​ര​ക്ഷ​ണ ജ​ന​കീ​യ സ​മി​തി.

20 കി​ലോ​മീ​റ്റ​റോ​ളം നീ​ള​മു​ള്ള ഓ​ഞ്ഞി​ത്തോ​ട് എ​ന്ന​റി​യ​പ്പെ​ടു​ന്ന ഓ​ഞ്ഞി​പ്പു​ഴ സം​ര​ക്ഷി​ക്കാ​ൻ ക​ടു​ങ്ങ​ല്ലൂ​ർ, ആ​ല​ങ്ങാ​ട് പ​ഞ്ചാ​യ​ത്തു​ക​ൾ​ക്കും ത​ഹ​സി​ൽ​ദാ​റി​നും നി​ർ​ദേ​ശം ന​ൽ​ക​ണ​മെ​ന്നാ​ണ് പ്ര​ധാ​ന ആ​വ​ശ്യം.

ഹൈ​ക്കോ​ട​തി​യു​ടെ നി​ർ​ദേ​ശ​പ്ര​കാ​രം 2021 സെ​പ്റ്റം​ബ​ർ 14 ന് ​ആ​രം​ഭി​ച്ച സ​ർ​വേ​യ്ക്ക് ശേ​ഷ​മാ​ണ് മൂ​ന്ന​ര ഏ​ക്ക​റാ​യി​രു​ന്ന ഓ​ഞ്ഞി​പ്പു​ഴ​യ്ക്ക് 100 ഏ​ക്ക​ർ വി​സ്തൃ​തി​യു​ള്ള​താ​യി ക​ണ്ടെ​ത്തി​യ​ത്. 200 മീ​റ്റ​ർ വീ​തി​യ​നു​സ​രി​ച്ച് സ​ർവേക​ല്ലി​ട്ട് പോ​യ​താ​ണ് കൈയേറ്റ​ങ്ങ​ൾ ഭൂ​രി​ഭാ​ഗ​വും ഒ​ഴി​പ്പി​ക്കാ​ൻ സ​ഹാ​യ​ക​ര​മാ​യ​ത്.

തു​ട​ർ​ന്ന് 2022 മാ​ർ​ച്ച് 22 ന് ​ആ​റു സ്ക്കെ​ച്ചു​ക​ൾ കോ​ട​തി​ക്ക് പ​റ​വൂ​ർ താ​ലൂ​ക്ക് ഭൂ​രേ​ഖ ത​ഹ​സി​ൽ​ദാ​ർ സ​മ​ർ​പ്പി​ക്കു​ക​യും ചെ​യ്തു. സ​ർ​വേ ക​ല്ലു​ക​ൾ സ്ഥാ​പി​ച്ചു തു​ട​ങ്ങി​യ​താ​ണി​പ്പോ​ൾ പ​ല​യി​ട​ത്തും ത​ട​സ​പ്പെ​ട്ടി​രി​ക്കു​ന്ന​ത്.

ആ​കെ 410 സ​ർ​വേ ക​ല്ലു​ക​ൾ സ്ഥാ​പി​ക്കേ​ണ്ട​തി​ൽ എ​തി​ർ​പ്പ് കാ​ര​ണം 20 ക​ല്ലു​ക​ൾ വ​യ്ക്കാ​നാ​യി​ട്ടി​ല്ല. ഇ​തി​ൽ ഓ​ഞ്ഞി​ത്തോ​ടി​ന്‍റെ ആ​രം​ഭ​ഭാ​ഗ​ത്ത് 4.360 സെ​ന്‍റ് ഭൂ​മി​യാ​ണ് ത​ർ​ക്ക​ത്തി​ൽ​പ്പെ​ട്ടി​രി​ക്കു​ന്ന​ത്. 1998ൽ ​പു​ഴ​യു​ടെ നീ​രൊ​ഴു​ക്കു വ​ർ​ധി​പ്പി​ക്കു​വാ​ൻ ക​ടു​ങ്ങ​ല്ലൂ​ർ പ​ഞ്ചാ​യ​ത്ത് സ്വ​കാ​ര്യ വ്യ​ക്തി​യോ​ട് വി​ല​ക്കു​വാ​ങ്ങി​യ 31.360 സെ​ന്‍റ് ഭൂ​മി​യി​ലെ നാ​ല​ര സെ​ന്‍റ് സ്ഥ​ല​മാ​ണ് അ​ന്യാ​ധീ​ന​പ്പെ​ട്ടി​രി​ക്കു​ന്ന​ത്.


ക​ടു​ങ്ങ​ല്ലൂ​ർ, ആ​ല​ങ്ങാ​ട് പ​ഞ്ചാ​യ​ത്തു​ക​ൾ റോ​ഡു​ക​ൾ നി​ർ​മിച്ചും തോ​ടി​ന്‍റെ വി​സ്തൃ​തി ഇ​ല്ലാ​താ​ക്കി​യ​താ​യി സം​ര​ക്ഷ​ണ സ​മി​തി ക​ൺ​വീ​ന​ർ കെ.​എ​സ്. പ്ര​കാ​ശ് ആ​രോ​പി​ച്ചു. ഇ​ല​ഞ്ഞി ചു​വ​ട്, പ​ഴ​യ വേ​ക്ക​ട തോ​ട്, പാ​നാ​യി​ക്കു​ളം തു​ട​ങ്ങി​യ സ്ഥ​ല​ങ്ങ​ളി​ലാ​ണ് റോ​ഡു​ക​ൾ പ​ണി​തി​ട്ടു​ള്ള​ത്.

ഇ​വി​ടെ​യെ​ല്ലാം അ​ടി​യ​ന്തി​ര​മാ​യി അ​തി​ർ​ത്തിക്ക​ല്ലു​ക​ൾ സ്ഥാ​പി​ക്കാ​ൻ പ​റ​വൂ​ർ ഭ​ൂരേ​ഖ ത​ഹ​സി​ൽ​ദാ​ർ​ക്ക് നി​ർ​ദേശം ന​ൽ​ക​ണ​മെ​ന്നാ​ണ് ഓ​ഞ്ഞി​ത്തോ​ട് സം​ര​ക്ഷ​ണ ജ​ന​കീ​യ സ​മി​തി ജി​ല്ലാ ക​ള​ക്ട​റോ​ട് ആ​വ​ശ്യ​പ്പെ​ട്ടി​രി​ക്കു​ന്ന​ത്. അ​നു​കൂ​ല ന​ട​പ​ടി​ ഉ​ണ്ടാ​യി​ല്ലെ​ങ്കി​ൽ പ​ഞ്ചാ​യ​ത്തു​ക​ളു​ടേ​യും ഉ​ദ്യോ​ഗ​സ്ഥ​രു​ടേ​യും വീ​ഴ്ച​ ചൂ​ണ്ടി​ക്കാ​ട്ടി വി​ജി​ല​ൻ​സ് കോ​ട​തി​യെ സ​മീ​പി​ക്കു​മെ​ന്നും സ​മി​തി അ​റി​യി​ച്ചു.