കൂത്തുപറന്പ്: മാങ്ങാട്ടിടം ഗ്രാമപഞ്ചായത്തിലെ വട്ടിപ്രത്ത് ഉണ്ടായ ക്വാറി അപകടത്തിൽ മൂന്ന് ഏക്കറോളം കൃഷി നശിച്ചതായി അധികൃതർ.
ഏകദേശം 70,000 രൂപയോളം നാശനഷ്ടം ഉണ്ടായതായി അധികൃതർ പറഞ്ഞു. തെങ്ങ്,കവുങ്ങ്,വാഴ തുടങ്ങിയവയാണ് നശിച്ചത്. കൂത്തുപറമ്പ് കൃഷി അസിസ്റ്റന്‍റ് ഡയറക്ടർ ഷീന വിനോദ്, കൃഷി ഓഫീസർ ആർ.അനു, കൃഷി അസിസ്റ്റന്‍റുമാരായ സി.പ്രേമലത, കെ.വിജേഷ്, ആർ.സന്തോഷ് കുമാർ, യു.സിനു എന്നിവരുടെ നേതൃത്വത്തിലുള്ള സംഘം സ്ഥലം സന്ദർശിച്ചു.കർഷകർക്കുണ്ടായ കൃഷി നാശത്തിന് നഷ്ടപരിഹാരം നൽകുന്നതിനുള്ള നടപടികൾ സ്വീകരിക്കുമെന്ന് കൂത്തുപറമ്പ് കൃഷി അസിസ്റ്റന്‍റ് ഡയറക്ടർ അറിയിച്ചു.