ക​ശു​മാ​ങ്ങ സം​ഭ​ര​ണ​ത്തി​ന് ത​ണു​പ്പ​ന്‍ പ്ര​തി​ക​ര​ണം
Thursday, April 11, 2024 1:55 AM IST
കാ​സ​ര്‍​ഗോ​ഡ്: പ്ലാ​ന്‍റേ​ഷ​ന്‍ കോ​ര്‍​പ​റേ​ഷ​ന്‍റെ ക​ശു​മാ​ങ്ങ സം​ഭ​ര​ണ​ത്തോ​ട് താ​ത്പ​ര്യം കാ​ട്ടാ​തെ ക​ര്‍​ഷ​ക​ര്‍. സം​ഭ​ര​ണം തു​ട​ങ്ങി ഒ​രു​മാ​സം ക​ഴി​ഞ്ഞി​ട്ടും ഒ​രു ക​ര്‍​ഷ​ക​ന്‍ പോ​ലും ക​ശു​മാ​ങ്ങ ന​ല്‍​കി​യി​ട്ടി​ല്ല. ക​ശു​മാ​ങ്ങ കേ​ടു​കൂ​ടാ​തെ പ​റി​ച്ചെ​ടു​ത്ത് പി​സി​കെ ഓ​ഫീ​സി​ലെ​ത്തി​ക്കാ​നു​ള്ള ബു​ദ്ധി​മു​ട്ടും ഒ​രു​മി​ച്ചു ചാ​ക്കി​ല്‍ കെ​ട്ടു​മ്പോ​ള്‍ പെ​ട്ടെ​ന്നു ന​ശി​ക്കു​ന്ന​തു​മാ​ണ് ക​ര്‍​ഷ​ക​രെ ഇ​തി​ല്‍​നി​ന്ന് പി​ന്നോ​ട്ടു​വ​ലി​ക്കു​ന്ന​ത്. കേ​ന്ദ്ര​സ​ര്‍​ക്കാ​രി​ന്‍റെ ആ​ര്‍​കെ​വി​വൈ പ​ദ്ധ​തി​യു​മാ​യി ചേ​ര്‍​ന്നാ​ണ് പി​സി​കെ ക​ശു​മാ​ങ്ങ സം​ഭ​ര​ണം ആ​രം​ഭി​ച്ച​ത്.

ക​ശു​വ​ണ്ടി​യോ​ടു കൂ​ടി​യ ക​ശു​മാ​ങ്ങ കി​ലോ​യ്ക്ക് 20 രൂ​പ നി​ര​ക്കി​ലാ​ണ് ക​ര്‍​ഷ​ക​രി​ല്‍ നി​ന്നു വാ​ങ്ങാ​ന്‍ തീ​രു​മാ​നി​ച്ച​ത്. കി​ലോ​യ്ക്ക് 95-99 രൂ​പ​യാ​ണ് ഇ​പ്പോ​ള്‍ ക​ശു​വ​ണ്ടി​ക്ക് ല​ഭി​ക്കു​ന്ന​ത്. ഒ​രു കി​ലോ ക​ശു​വ​ണ്ടി​യി​ല‍ 160-200 എ​ണ്ണം വ​രെ​യു​ണ്ടാ​കും. എ​ന്നാ​ല്‍, ക​ശു​മാ​ങ്ങ​യും ക​ശു​വ​ണ്ടി​യും ഒ​രു​മി​ച്ച് വി​ല്പ​ന ന​ട​ത്തു​മ്പോ​ള്‍ 10-20 എ​ണ്ണം മ​തി ഒ​രു കി​ലോ തി​ക​യാ​ന്‍. ക​ശു​വ​ണ്ടി ഉ​ണ​ക്കേ​ണ്ട ആ​വ​ശ്യ​വു​മി​ല്ല. ക​ശു​മാ​ങ്ങ​യും ക​ശു​വ​ണ്ടി​യും ഒ​രു​മി​ച്ച് വി​ല്‍​ക്കു​മ്പോ​ള്‍ ഒ​രു കി​ലോ ക​ശു​വ​ണ്ടി​ക്ക് ല​ഭി​ക്കു​ന്ന​തി​ന്‍റെ ഇ​ര​ട്ടി​യി​ലേ​റെ വി​ല ല​ഭി​ക്കു​മെ​ന്ന​തി​നാ​ല്‍ ക​ര്‍​ഷ​ക​ര്‍ ഇ​തി​നോ​ട് താ​ത്പ​ര്യം കാ​ട്ടു​മെ​ന്നാ​യി​രു​ന്നു


പ്ലാ​ന്‍റേ​ഷ​ന്‍ കോ​ര്‍​പ​റേ​ഷ​ന്‍റെ പ്ര​തീ​ക്ഷ. ഇ​ങ്ങ​നെ സം​ഭ​രി​ക്കു​ന്ന ക​ശു​മാ​ങ്ങ​യി​ല്‍ നി​ന്നു ഫ്ര​ഷ് ജ്യൂ​സും കാ​ര്‍​ബ​ണേ​റ്റ​ഡ് പാ​നീ​യ​മാ​യ ഓ​സി​യാ​ന​യും ത​യാ​റാ​ക്കാ​നാ​യി​രു​ന്നു പി​സി​കെ​യു​ടെ പ​ദ്ധ​തി. പി​സി​കെ എ​സ്റ്റേ​റ്റു​ക​ളി​ല്‍ ത​ന്നെ ആ​വ​ശ്യ​ത്തി​നു ക​ശു​മാ​ങ്ങ ല​ഭ്യ​മാ​ണെ​ങ്കി​ലും ക​ര്‍​ഷ​ക​രേ​ക്കൂ​ടി ഇ​തി​ല്‍ പ​ങ്കാ​ളി​ക​ളാ​ക്കു​ക​യാ​യി​രു​ന്നു പ​ദ്ധ​തി​യു​ടെ ല​ക്ഷ്യം. എ​ന്നാ​ല്‍, പ്രാ​യോ​ഗി​ക​ബു​ദ്ധി​മു​ട്ടു​ക​ള്‍ മൂ​ലം ക​ര്‍​ഷ​ക​ര്‍ താ​ത്പ​ര്യം കാ​ണി​ച്ച​തേ​യി​ല്ല.

Copyright @ 2022 , Rashtra Deepika Ltd.