പുന്നയൂർക്കുളം: ചമ്മന്നൂർ ഗവ. എംഎൽപി സ്കൂളിൽ ആറുലക്ഷംരൂപ ചെലവിൽ നിർമിച്ച കിച്ചൺ കം സ്റ്റോർ എൻ.കെ. അക്ബർ എംഎൽഎ ഉദ്ഘാടനംചെയ്തു.
വിവിധ മേഖലകളിൽ കഴിവുതെളിയിച്ച വിദ്യാർഥികളെയും 35 വർഷമായി സ്കൂളിൽ പാചക തൊഴിലാളിയായിരുന്ന ദമയന്തിയേയും ആദരിച്ചു. സർക്കാർ ആശുപത്രിയിലെ കിടപ്പുരോഗികൾക്ക് മാസത്തിലൊരിക്കൽ പൊതിച്ചോറ് നൽകുന്ന സ്നേഹപ്പൊതി എന്ന പദ്ധതിയുടെ പ്രഖ്യാപനവും എംഎൽഎ നടത്തി. പഞ്ചായത്ത് പ്രസിഡന്‍റ് ജാസ്മിൻ ഷഹീർ അധ്യക്ഷതവഹിച്ചു. പദ്ധതിക്ക് പേര് കണ്ടെത്തിയ വിദ്യാർഥി നാദിറിന് എംഎൽഎ ചടങ്ങിൽ ഉപഹാരംനൽകി. പഞ്ചായത്ത് സമിതി അധ്യക്ഷ കെ. ബിന്ദു, ബ്ലോക്ക് പഞ്ചായത്ത് അംഗം ബിജു പള്ളിക്കര, പഞ്ചായത്ത് അംഗങ്ങളായ പി.എസ്. അലി, ശോഭ പ്രേമൻ, ഷംസു, പിടിഎ പ്രസിഡന്‍റ് മുസ്തഫ, ഒഎസ്എ സെക്രട്ടറി അലി തറയിൽ, പ്രധാനാധ്യാപിക ബിന്ദു എന്നിവർ പ്രസംഗിച്ചു