അ​രി​മ്പൂ​ർ: പോ​സ്റ്റ​ൽ ഉ​രു​പ്പ​ടി​ക​ൾ മേ​ൽ​വി​ലാ​സ​ക്കാ​ർ​ക്ക് യ​ഥാ​സ​മ​യം എ​ത്തി​ച്ചുന​ൽ​കാ​തെ വി​വാ​ദ​ത്തി​ലാ​യ എ​റ​വ് പോ​സ്റ്റ് ഓഫീ​സി​നെ​തി​രെ പ​രാ​തി​ക​ള്‌ ഉ​യ​രു​ന്നു. ഒ​രു​വ​ർ​ഷം​മു​മ്പ് ത​നി​ക്കു​വ​ന്ന ഇ​ന്‍റ​ർ​വ്യു​ കാ​ർ​ഡ് ന​ൽ​കാ​തെ എ​റ​വി​ലെ പോ​സ്റ്റ് ഓ​ഫീ​സ് ജീ​വ​ന​ക്കാ​ർ ച​തി​ച്ചു​വെ​ന്നു​ കാ​ണി​ച്ച് എ​റ​വ് തേ​മാ​ലി​പ്പു​റം സ്വ​ദേ​ശി പാ​റ​പ്പു​റ​ത്ത് അ​നു​പ​മ​യാ​ണ് രം​ഗ​ത്തെ​ത്തി​രി​ക്കു​ന്ന​ത്.

2023 ജൂ​ണി​ൽ തൃ​ശൂ​ർ കോ​ർ​പറേ​ഷ​നി​ൽ ഹെ​ൽ​ത്ത് ഇ​ൻ​സ്പെ​ക്ട​റു​ടെ ഒ​ഴി​വി​ലേ​ക്ക് അ​നു​പ​മ അ​പേ​ക്ഷ​ ന​ൽ​കി​യി​രു​ന്നു. ഇ​ന്‍റവ്യൂ​വി​ൽ പ​ങ്കെ​ടു​ക്കാ​നാ​യി അ​യ​ച്ച ക​ത്ത് എ​റ​വ് പോ​സ്റ്റാ​ഫീ​സി​ൽ​നി​ന്നു ന​ൽ​കി​യി​ല്ലെ​ന്നാ​ണ് അ​നു​പ​മ​യു​ടെ പ​രാ​തി. അ​ഭി​മു​ഖ​ത്തി​ന് ക്ഷ​ണി​ക്കാ​താ​യ​പ്പോ​ൾ കോ​ർ​പ​റേ​ഷ​ൻ ഓ​ഫീ​സി​ൽ​പോ​യി അ​ന്വേ​ഷി​ച്ച​ു. കോ​ർ​പ​റേ​ഷ​ൻ ഉദ്യോഗസ്ഥര്‌ പോ​സ്റ്റ​ൽ വ​ഴി അ​യ​ച്ച ക​ത്തി​ന്‍റെ പ​ക​ർ​പ്പ് കാ​ണി​ച്ചു​കൊ​ടു​ത്തു. തി​രി​കെ എ​റ​വ് ആ​റാം​ക​ല്ലി​ലെ പോ​സ്റ്റ് ഓ​ഫീ​സി​ൽ​വ​ന്ന് അ​ന്വേ​ഷി​ച്ച​പ്പോ​ൾ അ​ങ്ങ​നെ​യൊ​രു ക​ത്ത് വ​ന്നി​ട്ടി​ല്ല എ​ന്നാ​ണ് കി​ട്ടി​യ മ​റു​പ​ടി.

ബാ​ങ്ക് വാ​യ്പ കു​ടി​ശി​ക​മൂ​ലം ജ​പ്തി​ചെ​യ്യാ​നി​രി​ക്കു​ന്ന വീ​ട്ടി​ൽ അ​നു​പ​മ​യും ഭ​ർ​ത്താ​വും ര​ണ്ടു കു​ട്ടി​ക​ളു​മാ​ണു​ള്ള​ത്. ഈ ​ജോ​ലി ത​നി​ക്ക് കി​ട്ടി​യി​രു​ന്നെ​ങ്കി​ൽ കു​ടും​ബ​ത്തി​ന് ഒ​രു​പ​രി​ധി വ​രെ ആ​ശ്വാ​സ​മാ​കു​മാ​യി​രു​ന്നെ​ന്ന് ഇ​വ​ർ പ​റ​ഞ്ഞു. അ​രി​മ്പൂ​ർ പോ​സ്റ്റ് ​ഓഫീ​സി​ന്‍റെ കീ​ഴി​ലു​ള്ള എ​റ​വ് ബ്രാ​ഞ്ച് പോ​സ്റ്റ് ഓ​ഫീ​സി​ൽ ഏ​ഴു​മാ​സ​മാ​യി പ്ര​വ​ർ​ത്ത​ന​ങ്ങ​ൾ കു​ത്ത​ഴി​ഞ്ഞ നി​ല​യി​ലാ​ണെ​ന്ന് വ്യാ​പ​ക ആ​ക്ഷേ​പ​മു​ണ്ട്.

ത​പാ​ൽ ഉ​രു​പ്പ​ടി​ക​ൾ വി​ത​ര​ണം​ചെ​യ്യാ​തെ​യും ര​ജി​സ്റ്റ​ർ​വ​രു​ന്ന ഇ​ല​ക്ഷ​ൻ ഐ​ഡി​ക​ൾ അ​ന്യ​വ്യ​ക്തി​ക​ളു​ടെ കൈ​വ​ശം വി​ത​ര​ണം​ചെ​യ്യാ​ൻ കൊ​ടു​ത്ത​യ​ച്ച​തും വി​വാ​ദ​മാ​യി​രു​ന്നു. പോ​സ്റ്റ​ൽ ഉ​രു​പ്പ​ടി​ക​ൾ നി​രു​ത്ത​ര​വാ​ദ​പ​ര​മാ​യി കൈ​കാ​ര്യം​ചെ​യ്യു​ന്ന ജോ​ലി​ക്കാ​ർ​ക്കെ​തി​രെ ന​ട​പ​ടി കൈ​ക്കൊ​ള്ളാ​ൻ ത​പാ​ൽ​വ​കു​പ്പ് ഇ​നി​യും ത​യാ​റാ​യി​ട്ടി​ല്ല.