നി​ല​വി​ലെ നി​ർ​മാ​ണപ്ര​വൃത്തി​ക​ളി​ൽ ആ​ശ​ങ്ക​ക​ളും പ്ര​തി​ഷേ​ധ​വും ശ​ക്തം
Saturday, July 27, 2024 1:49 AM IST
കൊ​ര​ട്ടി: കൊ​ര​ട്ടി ഗ്രാ​മ​പ​ഞ്ചാ​യ​ത്ത് പ​രി​ധി​യി​ലെ സി​ഗ്ന​ൽജം​ഗ്ഷ​നു​ക​ളാ​യ കൊ​ര​ട്ടി, ചി​റ​ങ്ങ​ര, മു​രി​ങ്ങൂ​ർ മേ​ഖ​ല​ക​ളി​ൽ ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി പു​രോ​ഗ​മി​ക്കു​ന്ന നി​ർ​മാ​ണ പ്ര​വൃത്തി​ക​ളി​ൽ പ്ര​ദേ​ശ​വാ​സി​ക​ൾ​ക്കി​ട​യി​ൽ അ​സം​തൃ​പ്തി പു​ക​യു​ന്നു.

കൊ​ര​ട്ടി​യി​ൽ മൂ​ന്നു സ്പാ​നു​ക​ളോ​ടു കൂ​ടി​യ പാ​ല​വും മു​രി​ങ്ങൂ​രി​ലും ചി​റ​ങ്ങ​ര​യി​ലും അ​ടി​പ്പാ​ത​ക​ളു​മാ​ണ് നാ​ഷ​ണ​ൽ ഹൈ​വേ അ​ഥോ​റി​റ്റി നി​ർ​മി​ക്കാ​ൻ നി​ശ്ച​യി​ച്ചി​രി​ക്കു​ന്ന​ത്. പാ​ല​ങ്ങ​ളു​ടെ നി​ർ​മാ​ണം ആ​രം​ഭി​ക്കു​ന്ന​തി​നു മു​മ്പ് ഇ​രുദി​ശ​ക​ളി​ലേ​ക്കും സ​മാ​ന്ത​ര​പാ​ത​ക​ൾ ഒ​രു​ക്കു​ന്ന​തി​ന്‍റെ പ്രാ​രം​ഭ ന​ട​പ​ടി​ക​ളാ​ണ് മൂ​ന്നി​ട​ങ്ങ​ളി​ലും ന​ട​ക്കു​ന്ന​ത്. സ​മാ​ന്ത​ര​മാ​യി നി​ർ​മി​ക്കു​ന്ന പാ​ത​ക​ൾ പി​ന്നീ​ട് സ​ർ​വീ​സ് റോ​ഡു​ക​ളാ​യി മാ​റും.

എ​ന്നാ​ൽ യാ​തൊ​രു മു​ന്നൊ​രു​ക്ക​ങ്ങ​ളോ മേ​ൽ​നോ​ട്ട​മോ ഇ​ല്ലാ​തെ​യാ​ണ് നി​ല​വി​ൽ കാ​ന​നി​ർ​മാ​ണ​വും റോ​ഡും നി​ർ​മി​ക്കു​ന്ന​തെ​ന്നാ​ണ് നാ​ട്ടു​കാ​രു​ടെ പ​രാ​തി. ഡ്രെ​യി​നേ​ജ് അ​ട​ക്കം റോ​ഡി​ന്‍റെ വീ​തി 6.25 മീ​റ്റ​ർ ആ​യി​രി​ക്ക​ണമെ​ന്നി​രി​ക്കെ ചി​റ​ങ്ങ​ര​യി​ൽ 5 മു​ത​ൽ 6 വ​രെ മീ​റ്റ​ർ വീ​തി​യി​ലാ​ണ് നി​ർ​മാ​ണം ന​ട​ക്കു​ന്ന​തെ​ന്നും നി​ർ​ദേശി​ക്ക​പ്പെ​ട്ടി​രി​ക്കു​ന്ന മാ​ന​ദ​ണ്ഡ​ങ്ങ​ൾ​ക്കു വി​രു​ദ്ധ​മാ​യി നി​ർ​മാ​ണം അ​നു​വ​ദി​ക്കി​ല്ലെ​ന്ന നി​ല​പാ​ടു​മാ​യി ചി​റ​ങ്ങ​ര വി​ക​സ​നസ​മി​തി രം​ഗ​ത്തുവ​ന്നി​ട്ടു​ണ്ട്. വി​വി​ധ കോ​ണു​ക​ളി​ൽനി​ന്നും പ്ര​തി​ഷേ​ധം ഉ​യ​ർ​ന്ന​തോ​ടെ കാ​ന​യു​ടെ നി​ർ​മി​ച്ച കോ​ൺ​ക്രീ​റ്റ് ഭാ​ഗ​ങ്ങ​ൾ എ​ൻ​എ​ച്ച്എ​ഐ പൊ​ളി​ച്ചു​നീ​ക്കി. റോ​ഡി​ന്‍റെ വീ​തി മാ​ർ​ക്ക് ചെ​യ്ത​തി​ൽ വ​ന്ന വീ​ഴ്ച​യാ​യി​രു​ന്നു​വെ​ന്നും അ​ള​വി​ൽ കൃ​ത്യ​ത പാ​ലി​ക്കു​മെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്.


കോ​ടി​ക​ൾ വി​നി​യോ​ഗി​ച്ച് ന​ട​ക്കു​ന്ന മൂ​ന്നു പാ​ല​ങ്ങ​ളു​ടെ​യും അ​നു​ബ​ന്ധ റോ​ഡു​ക​ളു​ടെ​യും ഡ്രെ​യ്നേ​ജു​ക​ളു​ടെ​യും നി​ർ​മാ​ണ​ത്തി​ലും നാ​ഷ​ണ​ൽ ഹൈ​വേ അ​ഥോ​റി​റ്റി​യു​ടെ​യും പ്രാ​ദേ​ശി​കഭ​ര​ണ​കൂ​ട​മെ​ന്ന നി​ല​യി​ൽ പ​ഞ്ചാ​യ​ത്തി​ന്‍റേയും ജ​ന​പ്ര​തി​നി​ധി​ക​ളു​ടെ​യും ഏ​കോ​പ​നം കാ​ര്യ​ക്ഷ​മ​മാ​യി ഉ​ണ്ടാ​ക​ണ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.