കൊപ്രക്കളം: കയ്പമംഗലത്ത് പൈപ്പ് പൊട്ടി കുടിവെള്ളം പാഴാകുന്നു. ഈസ്റ്റ് ടിപ്പുസുൽത്താൻ റോഡിൽ ചളിങ്ങാട് അമ്പലനടയിലും കാക്കാത്തിരുത്തി പള്ളിവളവിലുമാണ് പൈപ്പ് പൊട്ടിയിട്ടുള്ളത്. ഒരാഴ്ചയായി രണ്ടിടത്തും പൈപ്പ് പൊട്ടിയിട്ട്. ഇതോടെ റോ ഡിൽ വെള്ളക്കെട്ട് രൂപപ്പെട്ടിരിക്കുകയാണ്.
കഴിഞ്ഞ ദിവസങ്ങളിൽ സിവി സെന്ററിലും പള്ളിനടയിലും പൈ പ്പ് പൊട്ടിയിരുന്നത് പരിഹരിച്ചു. കാലഹരണപ്പെട്ട പൈപ്പുകൾ കാരണം ഒരിടത്തു ചോർച്ചയടയ് ക്കുമ്പോഴേക്കും മറ്റൊരു ഭാഗത്തു പൊട്ടുന്ന സ്ഥിതിയാണുള്ളത്. മഴക്കാലം ആണെങ്കിലും കനോലി കനാലിന്റെ അരികിലും കടലോരപ്രദേശത്തും താമസിക്കുന്നവർ ആശ്രയിക്കുന്നത് പൈപ്പ് വെള്ളത്തെയാണ്. എത്രയും പെട്ടെന്ന് പൈപ്പിന്റെ ചോർച്ചയടയ്ക്കണമെന്നു നാട്ടുകാർ ആവശ്യപ്പെട്ടു.