കോട്ടയം: എസ്എച്ച് മെഡിക്കല്‍ സെന്‍റര്‍ ആശുപത്രിയില്‍ ട്രോമ മാനേജ്‌മെന്‍റില്‍ ശ്രദ്ധ കേന്ദ്രീകരിച്ച് ഡോക്‌ടേഴ്‌സിനായി തുടര്‍ മെഡിക്കല്‍ എഡ്യുക്കേഷന്‍ (സിഎംഇ) പ്രോഗ്രാം നടത്തി. പരിപാടിയുടെ ഉദ്ഘാടനം ആശുപത്രി ഡയറക്ടര്‍ സിസ്റ്റര്‍ കാതറൈന്‍ നെടുമ്പുറം എസ്എച്ച് നിർവഹിച്ചു.
എസ്എച്ച് മെഡിക്കല്‍ സെന്‍ററിലെ പ്ലാസ്റ്റിക് സര്‍ജറി, ന്യൂറോ സര്‍ജറി വിഭാഗങ്ങളുടെ നേതൃത്വത്തില്‍ വിവിധ ആശുപത്രികളിലും ഡിപ്പാര്‍ട്ട്മെന്‍റുകളിലുമുള്ള ഡോക്‌ടേഴ്‌സിന്‍റെ പങ്കാളിത്തത്തോടെയാണ് പരിപാടി നടത്തിയത്. ഡോ. സന്തോഷ് സക്കറിയ, ഡോ. അനീസ് എം. മുസ്തഫ, ഡോ. ബിബിന്‍ പി. മാത്യു, ഡോ. മിഥുന്‍ ജോയ്, ഡോ. അജയ് കുമാര്‍ കമ്മത്ത്, ഡോ. ഓം പ്രകാശ്, ഡോ. പി.ജി. ആന്‍റണി, ഡോ. ജോസ് ജോര്‍ജ്, ഡോ. ഷീല, ഡോ. പാര്‍വതി, ഡോ. ബിനു ജോണ്‍ എന്നിവര്‍ ക്ലാസെടുത്തു.