മ​ണ്ഡ​ല​ങ്ങ​ളി​ലെ ബി​എ​ൽ​ഒ​മാ​ർ​ക്ക് പ്ര​തി​ഫ​ലം ല​ഭി​ച്ചി​ട്ട് ര​ണ്ടു​ വ​ർ​ഷ​മാ​കു​ന്നു
Monday, October 21, 2024 5:47 AM IST
പൊ​ൻ​കു​ന്നം: കാ​ഞ്ഞി​ര​പ്പ​ള്ളി, പൂ​ഞ്ഞാ​ർ നി​യോ​ജ​ക​മ​ണ്ഡ​ല​ങ്ങ​ളി​ലെ ബൂ​ത്ത് ലെ​വ​ൽ ഓ​ഫീ​സ​ർ​മാ​ർ​ക്ക് പ്ര​തി​ഫ​ലം ല​ഭി​ച്ചി​ട്ട് ര​ണ്ടു​വ​ർ​ഷ​മാ​കു​ന്നു. ഒ​രു​ വർ​ഷം ആ​കെ ല​ഭി​ക്കു​ന്ന​ത് 7200 രൂ​പയാണ്. പ്ര​തി​മാ​സം 600 രൂ​പ മാ​ത്ര​മാ​ണ് ഇ​വ​രു​ടെ ഓ​ണ​റേ​റി​യം. 500 രൂ​പ പ്ര​തി​ഫ​ല​വും 100 രൂ​പ ഫോ​ൺ അ​ല​വ​ൻ​സു​മാ​ണി​ത്. 2023ലെ ​പ്ര​തി​ഫ​ലം 2024 അ​വ​സാ​ന​മാ​യി​ട്ടും ല​ഭി​ച്ചി​ട്ടി​ല്ല.

2024ലെ ​പ്ര​തി​ഫ​ല​ത്തി​ന്‍റെ കാ​ര്യ​വും ഇ​തു​ത​ന്നെ. ബി​എ​ൽ​ഒ​മാ​ർ സ​ർ​ക്കാ​ർ ജീ​വ​ന​ക്കാ​രാ​യ​തി​നാ​ൽ പ്ര​തി​ക​രി​ക്കു​ന്ന​തി​ന് പ​രി​മി​തി​യു​ള്ള​തി​നാ​ൽ ആ​വ​ലാ​തി താ​ലൂ​ക്ക് അ​ധി​കാ​രി​ക​ൾ പ​രി​ഗ​ണി​ച്ചി​ല്ല. ട്ര​ഷ​റി നി​യ​ന്ത്ര​ണം മൂ​ല​മാ​ണെ​ന്ന് അ​ധി​കൃ​ത​ർ വി​ശ​ദീ​ക​രി​ക്കു​മ്പോ​ഴും മ​റ്റ് മ​ണ്ഡ​ല​ങ്ങ​ളി​ലെ ബി​എ​ൽ​ഒ മാ​ർ​ക്ക് പ്ര​തി​ഫ​ലം ല​ഭി​ച്ചി​ട്ടു​ണ്ട്.

വോ​ട്ട​ർ​പ​ട്ടി​ക​യി​ലെ പേ​ര് ഉറപ്പാ​ക്ക​ൽ, പേ​ര് ചേ​ർ​ക്ക​ൽ, തി​രി​ച്ച​റി​യ​ൽ കാ​ർ​ഡ് ല​ഭ്യ​മാ​ക്ക​ൽ, വ​യോ​ധി​ക​രു​ടെ വീ​ട്ടി​ലെ വോ​ട്ട് ഉ​റ​പ്പാ​ക്ക​ൽ, തെ​ര​ഞ്ഞെ​ടു​പ്പു​ദി​വ​സ​ത്തി​ന് മു​ന്പ് ഔ​ദ്യോ​ഗി​ക സ്ലി​പ്പ് വീ​ടു​ക​ളി​ലെ​ത്തി​ക്ക​ൽ, വോ​ട്ടെ​ടു​പ്പു​ദി​വ​സം ബൂ​ത്തി​ൽ മു​ഴു​വ​ൻ​സ​മ​യ സേ​വ​നം തു​ട​ങ്ങി നി​ര​വ​ധി ജോ​ലി​ക​ളാ​ണ് ഇ​വ​ർ​ക്കു​ള്ള​ത്.


ത​ന്‍റെ ബൂ​ത്ത് പ​രി​ധി​യി​ലെ വീ​ടു​ക​ളി​ൽ പ​ല​ത​വ​ണ സ​ന്ദ​ർ​ശ​നം ന​ട​ത്തേ​ണ്ടി വ​രാ​റു​ണ്ട്. എ​ന്നാ​ൽ, പ​രി​മി​ത​മാ​യ ദി​വ​സം മാ​ത്ര​മേ ഇ​വ​ർ​ക്ക് ഡ്യൂ​ട്ടി ലീ​വ് അ​നു​വ​ദി​ക്കൂ. മ​റ്റു ദി​വ​സ​ങ്ങ​ളി​ൽ സ്വ​ന്തം അ​വ​ധി​ക​ൾ ഇ​തി​നാ​യി ചെ​ല​വ​ഴി​ക്കേ​ണ്ടി വ​രു​ന്നു​ണ്ട്.

സ​ർ​ക്കാ​ർ ജീ​വ​ന​ക്കാ​രെ കൂ​ടാ​തെ നി​ര​വ​ധി അ​ങ്ക​ണ​വാ​ടി വ​ർ​ക്ക​ർ​മാ​രും ബി​എ​ൽ​ഒ​മാ​രാ​യു​ണ്ട്. അ​ങ്ക​ണ​വാ​ടി​ക​ളി​ലെ ഭാ​രി​ച്ച ഉ​ത്ത​ര​വാ​ദി​ത്വ​ത്തി​നി​ട​യി​ലാ​ണ് ഈ ​അ​ധി​ക​ച്ചു​മ​ത​ല. ത​ങ്ങ​ളെ ബി​എ​ൽ​ഒ ചു​മ​ത​ല​യി​ൽ നി​ന്ന് ഒ​ഴി​വാ​ക്ക​ണ​മെ​ന്ന് ഇ​വ​ർ നി​ര​വ​ധി നി​വേ​ദ​ന​ങ്ങ​ൾ ന​ൽ​കി​യെ​ങ്കി​ലും ഫ​ലം ക​ണ്ടി​ട്ടി​ല്ല.

വൈ​കു​ന്നേ​രം നാ​ലു​വ​രെ അ​ങ്ക​ണ​വാ​ടി​യി​ലെ ജോ​ലി​ക്കു​ശേ​ഷം ഭ​വ​ന​സ​ന്ദ​ർ​ശ​നം ന​ട​ത്തി​യാ​ണ് ഇ​വ​ർ തെ​ര​ഞ്ഞെ​ടു​പ്പ് ചു​മ​ത​ല നി​ർ​വ​ഹി​ക്കു​ന്ന​ത്.