എരുമേലി: സിബിഎസ്ഇ കോട്ടയം സഹോദയ കലോത്സവത്തിൽ എരുമേലി നിർമല പബ്ലിക് സ്കൂളിന് അഭിമാനകരമായ നേട്ടം. ആറാം ക്ലാസ് വിദ്യാർഥിയായ എ.ആർ. ആദികേശ് കാറ്റഗറി രണ്ട് ആൺകുട്ടികളുടെ വിഭാഗത്തിൽ ലളിതഗാന മത്സരത്തിൽ ഒന്നാം സ്ഥാനവും എ ഗ്രേഡും മലയാളം പദ്യോച്ചാരണത്തിൽ എ ഗ്രേഡും നേടി.
ഏഴാം ക്ലാസ് വിദ്യാർഥിനി ക്രിസ്റ്റി സ്റ്റീഫൻ ഇംഗ്ലീഷ് പ്രസംഗം, മലയാളം ഉപന്യാസം, പെയിന്റിംഗ്, വാട്ടർകളർ എന്നിവയിൽ യഥാക്രമം എ, ബി, സി ഗ്രേഡുകൾ കരസ്ഥമാക്കി. കാറ്റഗറി ഒന്നിൽ ഹൃദ്യ സുമേഷ് നാടോടി നൃത്തത്തിൽ എ ഗ്രേഡ് നേടി. നാടോടിനൃത്തത്തിൽ ഗൗരി നന്ദന റോബിൻ എ ഗ്രേഡും ഭരതനാട്യത്തിൽ വൈഗ രാജീവ് സി ഗ്രേഡും നേടി.