കോട്ടയം: തെക്കുംതല കെ.ആർ. നാരായണന്‍ ഇന്‍സ്റ്റിറ്റ്യൂട്ട് ഓഫ് വിഷ്വല്‍ സയന്‍സസ് ആന്‍ഡ് ആര്‍ട്സില്‍ മുന്‍ രാഷ്‌ട്രപതി കെ.ആര്‍. നാരായണന്‍റെ അര്‍ധകായപ്രതിമ ഇന്ന് ഉച്ചകഴിഞ്ഞ് ഒന്നിന് അനാച്ഛാദനം ചെയ്യും. കാമ്പസില്‍ നടക്കുന്ന ചടങ്ങില്‍ മന്ത്രി ഡോ. ആര്‍. ബിന്ദു ഉദ്ഘാടനം നിര്‍വഹിക്കും. മന്ത്രി വി.എൻ. വാസവന്‍ അധ്യക്ഷത വഹിക്കും.
ചാണ്ടി ഉമ്മന്‍ എംഎല്‍എ, ഉന്നത വിദ്യാഭ്യാസവകുപ്പ് പ്രിന്‍സിപ്പല്‍ സെക്രട്ടറി ഇഷിതാ റോയ്, അകലക്കുന്നം പഞ്ചായത്ത് പ്രസിഡന്‍റ് സിന്ധു അനില്‍കുമാര്‍, കെ.ആര്‍. നാരായണന്‍ ഇന്‍സ്റ്റിറ്റ്യൂട്ട് ഓഫ് വിഷ്വല്‍ സയന്‍സസ് ആന്‍ഡ് ആര്‍ട്സ് ചെയര്‍മാന്‍ സയീദ് അക്തര്‍ മിര്‍സ, മുന്‍ രാഷ്‌ട്രപതി കെ.ആര്‍. നാരായണന്‍റെ കുടുംബാംഗം കെ. രാധാകൃഷ്ണൻ, സംവിധായകന്‍ ഡോ. ബിജുകുമാര്‍ ദാമോദരന്‍, ശില്പി സി.എന്‍. ജിതേഷ്, പൂര്‍വവിദ്യാര്‍ഥി പ്രതിനിധി ശ്രീവേദി കെ. ഗിരിജന്‍, സ്റ്റുഡന്‍റ് കൗണ്‍സില്‍ ചെയര്‍മാന്‍ ശ്രീദേവന്‍ കെ. പെരുമാള്‍, ഇന്‍സ്റ്റിറ്റ്യൂട്ട് ഡയറക്ടര്‍ പി.ആര്‍. ജിജോയ് എന്നിവര്‍ പ്രസംഗിക്കും.