അ​പ​ക​ട​ങ്ങ​ളി​ല്‍ ര​ക്ഷ​ക​നാ​യ മാ​ത്തു​ക്കു​ട്ടിക്ക് കോ​ട​തിവരാന്തയിൽ ഒരു പകൽ കാത്തിരിപ്പ്...!
Tuesday, October 22, 2024 7:07 AM IST
കു​മ​ര​കം: വാ​ഹ​നാ​പ​ക​ട​ത്തി​ല്‍ ഗു​രു​ത​ര പ​രി​ക്കേ​റ്റ് റോ​ഡി​ല്‍ കി​ട​ന്ന​വ​രെ ആ​ശു​പ​ത്രി​യി​ലെ​ത്തി​ച്ച ഡ്രൈ​വ​ര്‍ മാ​ത്തു​ക്കു​ട്ടി​യെ കേ​സി​ല്‍ സാ​ക്ഷി​യാ​ക്കി​യ​തോ​ടെ നേ​രി​ടേ​ണ്ട​ിവ​ന്ന​ത് ദു​രി​ത​വും ധ​ന​ന​ഷ്ട​വും. സ​മ​ന്‍സ് കി​ട്ടി ക​ഴി​ഞ്ഞ​ദി​വ​സം രാ​വി​ലെ 10നു ​കോ​ട​തി​യി​ലെ​ത്തി​യ കു​മ​ര​കം ഒ​റോ​ണ​ക്ക​ള​ത്തി​ല്‍ മാ​ത്തു​ക്കു​ട്ടി​ക്ക് വൈ​കു​ന്നേ​രം നാ​ലു​വ​രെ കാ​ത്തു​നി​ല്‍ക്കേ​ണ്ടി​യും വ​ന്നു. മ​റ്റു ചെ​ല​വു​ക​ള്‍ക്കു പു​റ​മെ അ​ന്ന​ത്തെ ജോ​ലി​വ​രു​മാ​ന​വും ന​ഷ്ട​മാ​യി.

2021 ഡി​സം​ബ​ര്‍ 24ന് ​രാ​ത്രി ക​വ​ണാ​റ്റി​ന്‍ക​ര​യി​ലും 27ന് ​ഗു​രുമ​ന്ദി​ര​ത്തി​നു സ​മീ​പ​വു​മു​ണ്ടാ​യ വാ​ഹ​നാ​പ​ക​ട​ങ്ങ​ളി​ൽ പ​രി​ക്കേ​റ്റ മൂ​ന്നു പേ​രെ മെ​ഡി​ക്ക​ല്‍ കോ​ള​ജി​ല്‍ എ​ത്തി​ച്ചി​രു​ന്നു. ഇ​തി​ല്‍ ക​വ​ണാ​റ്റി​ന്‍ക​ര​യി​ലു​ണ്ടാ​യ അ​പ​ക​ട​ത്തി​ല്‍ സാ​ക്ഷി പ​റ​യു​ന്ന​തി​നാ​ണു ക​ഴി​ഞ്ഞ​ദി​വ​സം കോ​ട​തി​യി​ല്‍ ഹാ​ജ​രാ​കേ​ണ്ടി​വ​ന്ന​ത്.

ത​ന്‍റെ അ​നു​ഭ​വ​മാ​ണ് മ​റ്റു ഡ്രൈ​വ​ര്‍മാ​ര്‍ക്കും ഉ​ണ്ടാ​കു​ന്ന​തെ​ങ്കി​ല്‍ അ​പ​ക​ട​ത്തി​ല്‍പ്പെ​ടു​ന്ന​വ​രെ സ​ഹാ​യി​ച്ചു പു​ലി​വാ​ലു പി​ടി​ക്കാ​ന്‍ ആ​രെ​ങ്കി​ലും മു​ന്നോ​ട്ടു​വ​രു​മോ​യെ​ന്നാ​ണു മാ​ത്തു​ക്കു​ട്ടി ചോ​ദി​ക്കു​ന്ന​ത്. ഈ ​ര​ണ്ടു സം​ഭ​വ​ങ്ങ​ള്‍ക്കും മു​മ്പ് പ​ല ത​വ​ണ പ​രി​ക്കേ​റ്റ​വ​രെ ആ​ശു​പ​ത്രി​ക​ളി​ലെ​ത്തി​ച്ചി​ട്ടു​ണ്ടെ​ങ്കി​ലും അ​ന്നൊ​ന്നും സാ​ക്ഷി പ​റ​യാ​ന്‍ കോ​ട​തി ക​യ​റേ​ണ്ടി വ​ന്നി​ട്ടി​ല്ലെ​ന്നും മാ​ത്തു​ക്കു​ട്ടി പ​റ​യു​ന്നു.


ഗു​രുമ​ന്ദി​ര​ത്തി​നു സ​മീ​പ​ത്തെ അ​പ​ക​ട​ത്തി​ല്‍ സാ​ക്ഷി​പ​റ​യാ​ന്‍ കോ​ട​തി​യി​ല്‍ പോ​കേ​ണ്ടി വ​രു​മോ എ​ന്ന ആ​ശ​ങ്ക​യു​മു​ണ്ട്. സ്വ​ന്തം കൈ​യി​ലെ പ​ണം മു​ട​ക്കി ഡീ​സ​ല്‍ അ​ടി​ച്ച് 90 കി​ലോ​മീ​റ്റ​ര്‍ കാ​ര്‍ ഓ​ടി​ച്ച സാ​മ്പ​ത്തി​ക ന​ഷ്ടം താ​ന്‍ കാ​ര്യ​മാ​ക്കു​ന്നി​ല്ലെ​ങ്കി​ലും കാ​രു​ണ്യ പ്ര​വ​ര്‍ത്ത​നം ന​ട​ത്തി​യ​തി​ന്‍റെ പേ​രി​ല്‍ വ​ര്‍ഷ​ങ്ങ​ള്‍ക്കി​പ്പു​റം ജോ​ലി ക​ള​ഞ്ഞ് കോ​ട​തി​യി​ലെ​ത്തേ​ണ്ടി​വ​രു​ന്ന​ത് സ​ങ്ക​ട​ക​ര​മാ​ണെ​ന്നും ത​നി​ക്ക​നു​ഭ​വി​ക്കേ​ണ്ടി വ​ന്ന ബു​ദ്ധി​മു​ട്ടു​ക​ള്‍ മ​റ്റു​ള്ള​വ​ര്‍ക്കു​ണ്ടാ​കാ​തി​രി​ക്കാ​ന്‍ കേ​സെ​ടു​ക്കു​മ്പോ​ള്‍ ശ്ര​ദ്ധി​ക്കേ​ണ്ട​താ​ണെ​ന്നും മാ​ത്തു​ക്കു​ട്ടി പ്ര​തി​ക​രി​ച്ചു.