റെയി​ൽ​വേ ന​ട​പ്പാ​ത തു​റ​ക്കാ​ത്ത​തി​ൽ വ്യാപക പ്ര​തി​ഷേധം
Monday, October 21, 2024 7:33 AM IST
തല​യോ​ല​പ്പ​റ​മ്പ്: അ​റ്റ​കു​റ്റപ്പ​ണി​യു​ടെ പേ​രി​ൽ അ​ട​ച്ച റെ​യി​ല്‍​വേ ന​ട​പ്പാ​ത ആ​റു വ​ര്‍​ഷം പി​ന്നി​ട്ടി​ട്ടും അ​ധി​കൃ​ത​ർ കു​റ്റ​മ​റ്റ​താ​ക്കി തു​റ​ന്നു കൊ​ടു​ക്കാ​ത്ത​തി​ൽ പ്ര​തി​ഷേധം ശ​ക്ത​മാ​കു​ന്നു.​ വെ​ള്ളൂ​ർ പി​റ​വം റോ​ഡ് റെയി​ൽ​വേ സ്‌​റ്റേ​ഷ​നു സ​മീ​പം മൂ​വാ​റ്റു​പു​ഴ​യാ​റി​നു കു​റു​കെ​യു​ള്ള റെ​യി​ൽ​വേ മേ​ൽ​പ്പാ​ല​ത്തി​ലെ ന​ട​പ്പാ​ത​യാ​ണ് 2018-ൽ ​അ​ട​ച്ച​ത്.

മേ​ൽപ്പാ​ല​ത്തി​ലെ​ ന​ട​പ്പാ​ത അ​ട​ഞ്ഞതോ​ടെ തോ​ന്ന​ല്ലൂ​ർ, ചെ​റു​ക​ര, വ​ട​ക​ര, എ​ട​ക്കാ​ട്ടു​വ​യ​ൽ, കൈ​പ്പ​ട്ടൂ​ർ, പു​ലി​മു​ഖം, സ്രാ​ങ്കു​ഴി, വ​രി​ക്കാം​കുന്ന്, ആ​മ്പ​ല്ലൂ​ർ നി​വാ​സി​ക​ൾ കി​ലോ​മീ​റ്റ​റു​ക​ൾ ചു​റ്റി​യാ​ണ് താ​മ​സസ്ഥ​ല​ത്തെ​ത്തു​ന്ന​ത്. ഇ​തി​നാ​യി വ​ലി​യ തു​ക യാ​ത്രക്കൂ​ലി​യാ​യും ഇ​വ​ർ മു​ട​ക്കേ​ണ്ടി​വ​രു​ന്നു.

ജീ​ർ​ണാ​വ​സ്ഥ​യി​ലാ​യ റെയി​ൽ​വേ മേ​ൽ​പ്പാ​ലം അ​റ്റ​കു​റ്റപ്പ​ണി ന​ട​ത്തി കു​റ്റ​മ​റ്റ​താ​ക്കാ​ൻ ആ​വ​ശ്യ​മാ​യ 35 ല​ക്ഷം രൂ​പ വെ​ള്ളൂ​ർ പ​ഞ്ചാ​യ​ത്ത് ന​ൽ​ക​ണ​മെ​ന്നാ​ണ് റെയി​ൽ​വേ അ​ധി​കൃ​ത​ർ ആ​വ​ശ്യ​പ്പെ​ടു​ന്ന​ത്.

സാ​മ്പ​ത്തി​ക​മാ​യി പ്ര​തി​സ​ന്ധി​യി​ലാ​യ പ​ഞ്ചാ​യ​ത്തി​ന് അ​റ്റ​കു​റ്റപ്പ​ണി​ക്ക് തു​ക ന​ൽ​കാ​ൻ ക​ഴി​യാ​ത്ത സ്ഥി​തി​യി​ലാ​ണെ​ന്ന് പ​ഞ്ചാ​യ​ത്ത് അ​ധി​കൃ​ത​ർ പ​റ​യു​ന്നു.

വ​ർ​ഷ​ങ്ങ​ൾ​ക്കു മു​മ്പ് റെ​യി​ല്‍​വേ പാ​ള​ത്തി​ലി​രു​ന്ന് മൂ​വാ​റ്റു​പു​ഴ​യാ​റി​ലെ വ​ള്ളം​ക​ളി ക​ണ്ട നി​ര​വ​ധിപേ​ർക്കു ട്രെയി​നിടി​ച്ചു ജീ​വ​ൻ ന​ഷ്ട​പ്പെ​ട്ട​തി​നെ ത്തു​ട​ർ​ന്നാ​ണ് മേ​ൽപ്പാ​ല​ത്തി​ൽ ന​ട​പ്പാ​ത നി​ർ​മിച്ച​ത്.


2018 ജൂ​ലൈ​യി​ലാ​ണ് അ​റ്റ​കു​റ്റപ്പ​ണി​ക്കാ​യി റെ​യി​ല്‍​വേ ന​ട​പ്പാ​ത അ​ട​ച്ച​ത്. ഇ​തോ​ടെ മ​റു​ക​ര​യി​ലെ​ത്താ​ന്‍ കു​ട്ടി​ക​ള്‍ ഉ​ള്‍​പ്പെ​ടെ​യു​ള്ള​വ​ര്‍ മൂ​വാ​റ്റു​പു​ഴ​യാ​റി​നു കു​റു​കെ​യു​ള്ള റെ​യി​ല്‍​വേ ഓ​വ​ര്‍​ബ്രി​ഡ്ജി​ലൂ​ടെ വ​ള​രെ സാ​ഹ​സി​ക​മാ​യാ​ണ് യാ​ത്ര ചെ​യ്യു​ന്ന​ത്.​ ന​ട​പ്പാ​ത കു​റ്റ​മ​റ്റ​താ​ക്കി തു​റ​ന്നുകൊ​ടു​ക്കു​ന്ന​തി​ന് അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ളും രാ​ഷ്‌‌ട്രീയ ക​ക്ഷി​ക​ളും നി​ര​വ​ധി പ്ര​ക്ഷോ​ഭങ്ങൾ ന​ട​ത്തി​യി​ട്ടും ഫ​ല​മു​ണ്ടാ​യി​ല്ല.

അ​ഡ്വ. കെ. ഫ്രാ​ൻ​സീ​സ് ജോ​ർ​ജ് എംപി റെ​യി​ൽ​വേ ​ന​ട​പ്പാ​ത അ​റ്റ​കു​റ്റ​പ്പ​ണി ന​ട​ത്തി തു​റ​ന്നു കൊ​ടു​ക്കു​ന്ന​തി​നു റെയി​ൽ​വേ അ​ധി​കൃ​ത​രി​ൽ സ​മ്മ​ർ​ദം ചെ​ലു​ത്താ​ൻ ശ്ര​മം ആ​രം​ഭി​ച്ച​തോ​ടെ ന​ട​പ്പാ​ത വൈ​കാ​തെ തു​റ​ക്കു​മെ​ന്ന പ്ര​തീ​ക്ഷ​യി​ലാ​ണ് വെ​ള്ളൂ​ർ നി​വാ​സി​ക​ൾ.

സാ​മൂ​ഹ്യവി​രു​ദ്ധ​ർ താ​വ​ള​മാ​ക്കു​ന്നു

വെ​ള്ളൂ​ർ: അ​ട​ഞ്ഞു​കി​ട​ക്കു​ന്ന റെ​യി​ൽ​വേ മേ​ൽ​പ്പാ​ലം സാ​മൂ​ഹ്യവി​രു​ദ്ധ​ർ താ​വ​ള​മാ​ക്കു​ന്ന​താ​യി പ്ര​ദേ​ശ​വാ​സി​ക​ൾ. സ്കൂ​ൾ, കോ​ള​ജ് വി​ദ്യാ​ർ​ഥി​ക​ള​ട​ക്കം മേ​ൽ​പ്പാ​ല​ത്തി​ലെ ​അ​ട​ഞ്ഞ വാ​തി​ലി​നി​ട​യി​ലൂ​ടെ നു​ഴ​ഞ്ഞ് ക​യ​റു​ക​യാ​ണ്.

മ​ണി​ക്കൂ​റു​ക​ളോ​ളം പാ​ല​ത്തി​ൽ ചെ​ല​വ​ഴി​ക്കു​ന്ന ഇ​വ​ർ സ​ഭ്യ​ത​യു​ടെ പ​രി​ധി വി​ടു​ന്ന​തി​നാ​ൽ പ്ര​ദേ​ശ​വാ​സി​ക​ളു​മാ​യി സം​ഘ​ർ​ഷ​വും പ​തി​വാ​കു​ക​യാ​ണ്.