സ്വ​ർ​ണ​വും പ​ണ​വു​മ​ട​ങ്ങി​യ ബാ​ഗ് ക​ണ്ടെ​ത്തി ന​ൽ​കി ഈ​രാ​റ്റു​പേ​ട്ട പോ​ലീ​സ്
Tuesday, October 22, 2024 5:17 AM IST
ഈ​രാ​റ്റു​പേ​ട്ട: ന​ട​യ്ക്ക​ൽ സ്വ​ദേ​ശി​ക​ളാ​യ ദ​മ്പ​തി​ക​ളു​ടെ ന​ഷ്ട​പ്പെ​ട്ട 34,000 ഓ​ളം രൂ​പ​യും സ്വ​ർ​ണാ​ഭ​ര​ണ​ങ്ങ​ളും അ​ട​ങ്ങി​യ ബാ​ഗ് ക​ണ്ടെ​ത്തി ന​ൽ​കി ഈ​രാ​റ്റു​പേ​ട്ട പോ​ലീ​സ് സ്റ്റേ​ഷ​നി​ലെ ഉ​ദ്യോ​ഗ​സ്ഥ​ർ.

ക​ഴി​ഞ്ഞ​ദി​വ​സം വീ​ട്ടി​ൽ​നി​ന്നു പ​ണ​വും സ്വ​ർ​ണാ​ഭ​ര​ണ​ങ്ങ​ളും അ​ട​ങ്ങി​യ ബാ​ഗു​മാ​യി ദ​മ്പ​തി​ക​ൾ കു​ഞ്ഞു​മാ​യി കാ​റി​ൽ ക​യ​റി​യ സ​മ​യം കു​ഞ്ഞ് വീ​ഴാ​ൻ തു​ട​ങ്ങി​യ​തി​നെ​ത്തു​ട​ർ​ന്ന് ദ​മ്പ​തി​ക​ൾ ത​ങ്ങ​ളു​ടെ കൈ​വ​ശം ഇ​രു​ന്ന ബാ​ഗ് വാ​ഹ​ന​ത്തി​ന്‍റെ മു​ക​ളി​ൽ​വ​ച്ച് മ​റ​ന്നു​പോ​വു​ക​യും തു​ട​ർ​ന്ന് യാ​ത്രാ​മ​ധ്യേ ഇ​തു ന​ഷ്ട​പ്പെ​ടു​ക​യു​മാ​യി​രു​ന്നു.

സ്വ​ർ​ണാ​ഭ​ര​ണ​ങ്ങ​ൾ അ​ട​ങ്ങി​യ ക​വ​ർ ഈ​രാ​റ്റു​പേ​ട്ട​യി​ൽ ട്രാ​ഫി​ക് ഡ്യൂ​ട്ടി ചെ​യ്തി​രു​ന്ന പി.​സി. സു​നി​ലി​നു ല​ഭി​ക്കു​ക​യും ഉ​ട​ൻ​ത​ന്നെ സ്റ്റേ​ഷ​നി​ൽ എ​ത്തി​ക്കു​ക​യു​മാ​യി​രു​ന്നു. പ​ണം ല​ഭി​ച്ച​ത് പ​ന​ച്ചി​പ്പാ​റ സ്വ​ദേ​ശി​നി​യാ​യ അ​ഞ്ജ​ന​യ്ക്കാ​യി​രു​ന്നു. അ​ഞ്ജ​ന​യും ഇ​ത് സ്റ്റേ​ഷ​നി​ൽ എ​ത്തി​ച്ചു. വൈ​കു​ന്നേ​ര​ത്തോ​ടെ ദ​മ്പ​തി​ക​ൾ പ​ണ​വും സ്വ​ർ​ണാ​ഭ​ര​ണ​ങ്ങ​ളും ന​ഷ്ട​പ്പെ​ട്ടു​വെ​ന്ന പ​രാ​തി​യു​മാ​യി സ്റ്റേ​ഷ​നി​ൽ എ​ത്തി. തു​ട​ർ ന​ട​പ​ടി​ക​ൾ സ്വീ​ക​രി​ച്ച ശേ​ഷം ന​ഷ്ട​പ്പെ​ട്ട ബാ​ഗ് ദ​മ്പ​തി​ക​ൾ​ക്ക് ഈ​രാ​റ്റു​പേ​ട്ട സ്റ്റേ​ഷ​ൻ എസ്എ​ച്ച്ഒ കെ.​ജെ. തോ​മ​സി​ന്‍റെ നേ​തൃ​ത്വ​ത്തി​ൽ തി​രി​കെ ന​ൽകി.