കുറിച്ചിത്താനം: കല ദൈവത്തിന്‍റെ അനുഗ്രഹമാണെന്നും കലയിലൂടെ ദൈവത്തിങ്കലേക്ക് എത്താനാകുമെന്നും കേന്ദ്രമന്ത്രി ജോർജ് കുര്യൻ പറഞ്ഞു. രാമപുരം ഉപജില്ലാ കലോത്സവം ശ്രീകൃഷ്ണ വിഎച്ച്എസ് സ്കൂളിൽ ഉദ്ഘാടനം ചെയ്യുകയായിരുന്നു മന്ത്രി.
ഉഴവൂർ ബ്ലോക്ക് പഞ്ചായത്ത് പ്രസിഡന്‍റ് പി.സി. കുര്യൻ അധ്യക്ഷത വഹിച്ചു. മരങ്ങാട്ടുപിള്ളി പഞ്ചായത്ത് പ്രസിഡന്‍റ് ബെൽജി ഇമ്മാനുവൽ, വെളിയന്നൂർ പഞ്ചായത്ത് പ്രസിഡന്‍റ് സജേഷ് ശശി, കടനാട് പഞ്ചായത്ത് പ്രസിഡന്‍റ് ജിജി തമ്പി, എഇഒ കെ.ബി. സജി, സ്കൂൾ മാനേജർ പഴയിടം മോഹനൻ നമ്പൂതിരി, മരങ്ങാട്ടുപിള്ളി സഹകരണബാങ്ക് പ്രസിഡന്‍റ് എം.എം. തോമസ്, പഞ്ചായത്ത് വൈസ് പ്രസിഡന്‍റ് ഉഷ രാജു, പഞ്ചായത്തംഗങ്ങളായ നിർമല ദിവാകരൻ, എം.എൻ. സന്തോഷ് കുമാർ, ജോസഫ് ജോസഫ്, തുളസീദാസ്, സിറിയക് മാത്യു, ബെന്നറ്റ് പി. മാത്യു, ലിസി ജോർജ്, സലിമോൾ ബെന്നി, പ്രിൻസിപ്പൽ റാണി ജോസഫ്, ഹെഡ്മിസ്ട്രസ് കെ.എൻ. സിന്ധു, പിടിഎ പ്രസിഡന്‍റ് സി.കെ. രാജേഷ് കുമാർ തുടങ്ങിയവർ പ്രസംഗിച്ചു.