മ​ന്ത്രി​യു​ടെ വാ​ഗ്ദാ​നം ന​ട​പ്പാ​കു​മോ? റോ​ഡു​ക​ളു​ടെ ശോ​ച്യാ​വ​സ്ഥ​യ്ക്ക് പ​രി​ഹാ​ര​മു​ണ്ടാ​വു​മോ?
Monday, October 21, 2024 7:33 AM IST
ക​ടു​ത്തു​രു​ത്തി: പൊ​തു​മ​രാ​മ​ത്ത് വ​കു​പ്പി​ന്‍റെ കീ​ഴി​ലു​ള്ള റോ​ഡു​ക​ളു​ടെ ശോ​ച്യാ​വ​സ്ഥ പ​രി​ഹ​രി​ക്കു​ന്ന​തി​നു​ള്ള ഇ​ട​പെ​ട​ല്‍ ന​ട​ത്തു​ന്ന​തി​നു സം​സ്ഥാ​ന സ​ര്‍​ക്കാ​ര്‍ എം​എ​ല്‍​എ​മാ​രു​ടെ സാ​ന്നി​ധ്യ​ത്തി​ല്‍ യോ​ഗം വി​ളി​ക്കു​മെ​ന്നും പ്ര​തി​സ​ന്ധി​ക​ള്‍​ക്കു പ​രി​ഹാ​രം ക​ണ്ടെ​ത്തു​മെ​ന്നു​ള്ള മ​ന്ത്രി​യു​ടെ വാ​ഗ്ദാ​നം ന​ട​പ്പാ​കു​മോ? പൊ​തു​മ​രാ​മ​ത്ത് വ​കു​പ്പ് മ​ന്ത്രി പി.​എ. മു​ഹ​മ്മ​ദ് റി​യാ​സ് നി​യ​മ​സ​ഭ​യി​ലാ​ണ് ഇ​തു സം​ബ​ന്ധി​ച്ച് ഉ​റ​പ്പ് ന​ല്‍​കി​യ​ത്. മ​ന്ത്രി വാ​ക്ക് പാ​ലി​ച്ചാ​ല്‍ റോ​ഡു​ക​ളു​മാ​യി ബ​ന്ധ​പ്പെ​ട്ട ഒ​ട്ടു​മി​ക്ക പ്ര​തി​സ​ന്ധി​ക​ള്‍​ക്കും പ​രി​ഹാ​രം ഉ​ണ്ടാ​ക്കാ​ന്‍ ക​ഴി​ഞ്ഞേ​ക്കും.

ശ​ബ​രി​മ​ല മ​ണ്ഡ​ല​കാ​ല തീ​ര്‍​ഥാ​ട​ന​ത്തി​നു മു​മ്പാ​യി എ​ല്ലാ റോ​ഡു​ക​ളും സ​ഞ്ചാ​രയോ​ഗ്യ​മാ​ക്ക​ണ​മെ​ന്നാ​വ​ശ്യ​പ്പെ​ട്ട് മോ​ന്‍​സ് ജോ​സ​ഫ് എം​എ​ല്‍​എ ഉ​ന്ന​യി​ച്ച ശ്ര​ദ്ധക്ഷ​ണി​ക്ക​ല്‍ പ്ര​മേ​യ​ത്തി​ന് നി​യ​മ​സ​ഭ​യി​ല്‍ മ​റു​പ​ടി​യാ​യി​ട്ടാ​ണ് മ​ന്ത്രി ഇ​ത്ത​ര​ത്തി​ല്‍ പ്ര​ഖ്യാ​പ​നം ന​ട​ത്തി​യ​ത്. മ​ന്ത്രി​യു​ടെ വാ​ക്കി​നെ പ്ര​തീ​ക്ഷ​യോ​ടെ കാ​ത്തി​രി​ക്കു​ക​യാ​ണ് നാ​ട്ടു​കാ​ര്‍.

ക​ടു​ത്തു​രു​ത്തി​യി​ല്‍ നി​ര​വ​ധി റോ​ഡു​ക​ളാ​ണ് ഗ​താ​ഗ​ത​യോ​ഗ്യ​മ​ല്ലാ​തെ കാ​ല​ങ്ങ​ളാ​യി കി​ട​ക്കു​ന്ന​ത്. വാ​ട്ട​ര്‍ അ​ഥോ​റി​റ്റി​യും പൊ​തു​മ​രാ​മ​ത്ത് വ​കു​പ്പും ത​മ്മി​ലു​ള്ള പ്ര​ശ്‌​ന​ങ്ങ​ളാ​ണ് പ​ല​യി​ട​ത്തും റോ​ഡ് പ​ണി​ക്ക് ത​ട​സം സൃ​ഷ്ടി​ക്കു​ന്ന​ത്. ഇ​രു വ​കു​പ്പു​ക​ളും ത​മ്മി​ലു​ള്ള പ്ര​ശ്‌​ന​ങ്ങ​ള്‍ തീ​ര്‍​ന്നാ​ല്‍ത​ന്നെ പ​കു​തി കാ​ര്യ​ങ്ങ​ള്‍ ന​ട​ക്കു​മെ​ന്നാ​ണ് നാ​ട്ടു​കാ​ര്‍ പ​റ​യു​ന്ന​ത്.

കോ​ട്ട​യം - എ​റ​ണാ​കു​ളം ജി​ല്ല​ക​ളെ ബ​ന്ധി​പ്പി​ക്കു​ന്ന ക​ടു​ത്തു​രു​ത്തി - പി​റ​വം റോ​ഡ് ത​ക​ര്‍​ന്നി​ട്ട് മൂ​ന്നു വ​ര്‍​ഷം പി​ന്നി​ടു​ക​യാ​ണ്. ഇ​തു​വ​രെ റോ​ഡ് ന​ന്നാ​ക്കാ​ന്‍ ക​ഴി​ഞ്ഞി​ട്ടി​ല്ല. ക​ടു​ത്തു​രു​ത്തി മു​ത​ല്‍ അ​റു​നൂ​റ്റി​മം​ഗ​ലം വ​രെ​യു​ള്ള റോ​ഡി​ല്‍ വാ​ട്ട​ര്‍ അ​ഥോ​റി​റ്റി​ക്ക് പൈ​പ്പി​ടാ​ന്‍ ര​ണ്ടു വ​ര്‍​ഷം വേ​ണ്ടി​വ​ന്നു.


ഇ​തി​നു​ശേ​ഷം റോ​ഡ് ന​ന്നാ​ക്കാ​നു​ള്ള ഫ​യ​ലി​ന്മേ​ല്‍ ഇ​തു​വ​രെ സ​ര്‍​ക്കാ​ര്‍ അ​നു​മ​തി ന​ല്‍​കി​യി​ട്ടി​ല്ല. ഇ​തി​ന്‍റെ തു​ട​ര്‍​ച്ച​യാ​യു​ള്ള പെ​രു​വ - പി​റ​വം - പെ​രു​വാം​മൂ​ഴി റോ​ഡി​ല്‍ തു​ട​ക്കം കു​റി​ച്ച കെ​എ​സ്ടി​പി​യു​ടെ പ്ര​വൃത്തി ഏ​റ്റെ​ടു​ത്ത ക​മ്പ​നി നി​ര്‍​മാ​ണം ഉ​പേ​ക്ഷി​ച്ചു​പോ​യി​രു​ന്നു. പെ​രു​വ ജം​ഗ്ഷ​നി​ല്‍ പൊ​ടി​ശ​ല്യ​വും കു​ഴി​ക​ളുംമൂ​ലം ജ​ന​ങ്ങ​ള്‍ ദു​രി​ത​ത്തി​ലാ​ണ്.

ക​ടു​ത്തു​രു​ത്തി - വൈ​ക്കം മ​ണ്ഡ​ല​ങ്ങ​ളെ ബ​ന്ധി​പ്പി​ക്കു​ന്ന മു​ട്ടു​ചി​റ - ആ​യാം​കു​ടി - എ​ഴു​മാ​ന്തു​രു​ത്ത് - വ​ട​യാ​ര്‍ - വെ​ള്ളൂ​ര്‍ - മു​ള​ക്കു​ളം റോ​ഡ് പൂ​ര്‍​ണ​മാ​യും ത​ക​ര്‍​ന്ന് കി​ട​ക്കു​ക​യാ​ണ്. പ്ര​വൃ​ത്തി ഏ​റ്റെ​ടു​ത്ത ക​മ്പ​നി ഇ​വി​ടെ​യും ഉ​പേ​ക്ഷി​ച്ചു​പോ​വു​ക​യാ​യി​രു​ന്നു.

ക​രാ​റു​കാ​ര്‍​ക്ക് ഫ​ണ്ട് കൊ​ടു​ക്കാ​തെ സ​ര്‍​ക്കാ​ര്‍ കാ​ണി​ച്ച അ​നാ​സ്ഥ​യാ​ണ് റോ​ഡ് നി​ര്‍​മാ​ണം മ​ട​ങ്ങാ​നി​ട​യാ​ക്കി​യ​ത്. ശ​ബ​രി​മ​ല പാ​ക്കേ​ജി​ല്‍ ടെ​ന്‍​ഡ​ര്‍ ചെ​യ്ത വെ​മ്പ​ള്ളി - വ​യ​ല - ക​ട​പ്ലാ​മ​റ്റം - കു​മ്മണ്ണൂ​ര്‍ റോ​ഡ്, വാ​ട്ട​ര്‍ അ​ഥോ​റി​റ്റി വെ​ട്ടിപ്പൊ​ളി​ച്ചി​ട്ടി​രി​ക്കു​ന്ന കു​റ​വി​ല​ങ്ങാ​ട് - ശ്രീ​മൂ​ലം ഷ​ഷ്ഠി​പൂ​ര്‍​ത്തി റോ​ഡ് എ​ന്നി​വ അ​ടി​യ​ന്ത​ര​മാ​യി റീ​ടാ​റിം​ഗ് ന​ട​ത്തി സ​ഞ്ചാ​ര​യോ​ഗ്യ​മാ​ക്കേ​ണ്ട​തു​ണ്ട്.