കാഞ്ഞിരപ്പള്ളി: ദേശീയപാതയിൽ പൂതക്കുഴി ഫാബീസ് ഓഡിറ്റോറിയത്തിന് സമീപം തമിഴ്നാട് രജിസ്ട്രേഷനിലുള്ള ലോറി വട്ടം തിരിക്കുന്നതിനിടെ ബ്രേക്ക് ഡൗണായതോടെ ഗതാഗതം സ്തംഭിച്ചു. ഇന്നലെ ഉച്ചയ്ക്ക് 12.30നാണ് സംഭവം. ഇതോടെ ഇരുവശത്തേക്കുമുള്ള ഗതാഗതം നിലച്ചു. പിന്നീട് ചെറിയ വാഹനങ്ങൾ ലോറിയുടെ പുറകിലൂടെയാണ് കടന്നുപോയത്. നാട്ടുകാരുടെ നേതൃത്വത്തിൽ ലോറി തള്ളി മാറ്റിയതിനുശേഷം ഒന്നോടെ ഗതാഗതം പുനഃസ്ഥാപിച്ചു.